Areeta erdiguneko kale batzuk trafikorako itxita egongo dira igande honetan, irailak 20, 8:00etatik 20:00etara, Europako Mugikortasun Astearen barruko hainbat jarduera egin ahal izateko, udal iturriek iragarri dutenez. Aurreko urteetan bezala, bizikleta ibilaldia izango da, 12:00etan, Xake plazatik abiatuta. Horretaz gain, patinez egin ahal izango da Areeta eta Algorta arteko joan-etorria. Irteera 12:30ean izango da plazatik bertatik eta horrekin batera, besteak beste, pin-pon, minibasket, bizikleten mailegua, puzgarriak, pottokak eta txu-txu trena izango dira. Halaber, Xake plazan bertan, gazteenek zirkulazio praktikak egingo dituzte bizikletak, patinak eta patineteak erabiliaz, 18:00etatik 21:00etara, bertan jarritako zirkuitu txiki batean. Astelehenean, jarduerak, Algortako Telletxe plazan egingo dira. Horrekin batera, 18:30ean kale antzerkia izango da, Detraka taldearen eskutik. Argazkian, Imanol Landa alkateak (atzean) ere parte hartu zuen iaz bizikleta ibilaldian / Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun