XX. gizaldiko Irlandan, Frankismoan bezala, komunitate osoak izaten ziren eskubide ukazioaren jomuga. Horrek eragingarri bihurtu zuen "akzio-errepresio-akzio" zurrunbiloa. Geroz eta herri sektore gehiago bultzatzen baitzituen euren lekua hartzera.
Egun, ostera, "errepresio kirurgikoa" aplikatzen dela sinetsarazi digute. Eta gure atomizaziorako joera genetikoak, oportunismo politikoaren laguntzaz, gure eskubideen ukazioa, gainerakoen eskubideen ukaziorako gure prestutasunean oinarritzen dela eman dio ulertzera gizarte sektore zabal bati. Sarritan etsai moduan hartu duguna, elkartasun dinamiken garapena errotik moztuz.
Dena dela, eta irtenbidea etorkizunari iraganari baino garrantzi handiagoa ematetik etorriko dela onartuta, ez genuke ahaztu behar eskubideen ukazioa olioa bezala zabaltzen ari dela. Plano zibil eta politikoan, ekonomikoan bezala. Eta gure ardura da, lehenengo euri tanta erortzen zaionaren gisan, aterkiak zabaltzeko premia dagoela esatea.
Domekan hitzordu bat daukagu Urdiain eta Altsasuko zuhaizti ederretan. Bat egiteko garaia da, bestela, arbasoen moduan, duintasun osoz eta eraginkortasun barik borrokatuko gara beste mila urtez. Horrek zertarako balio duen jakin gabe, baina.
Fredi Paya bertsolari algortarrak atzo "Berria" egunkarian argitaratutako artikulua.
[© Fredi Paya - Berria.info] Irlandako iparraldean, 60ko hamarkadan, komunitate katolikoaren eskubide zibil eta politikoen aldeko mobilizazio dinamika indartsuak izan ziren. "Bloody Sunday", domeka odoltsua edo igande madarikatua, bietara itzul genezake, izan zen hamarkadetako gatazka militarra egonkortu zuen gertakaria. Injustizia iraunkorrak eragindako etsipena baino gasolina hoberik ez dago komunitateen arteko liskarrak betikotzeko. Egun, Europako Batasunaren oniritziarekin, eskubide zibil eta politikoak ukatu dizkigute milaka nafarroi. Baina denbora ez doa alferrik aurrera. Eta estatuari deserosoak zaizkion herri sektoreak anulatzeko metodoak berberak direla ikusi arren, aplikatzeko moduan ingelesen akatsetatik ikasi dute espainiarrek. Argazkia: cc Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun