Itzubaltzeta gaztetxearen bosgarren urteurrena ospatzeko egitaraua:
Astelehenetik ostiralera, irailaren 21etik 25era
- 17:00etatik 20:00etara, herri azoka, gaztetxean.
Astelehena, irailak 21
- 19:30ean, Kalejira Santa Eugenia plazatik.
- V. urteurrenaren aurkezpena: bertsolariak, dantzariak, txalaparta, luncha, eta su artifizialak, gaztetxean.
- 21:00etan, kronokanoa jaitsiera, gaztetxean.
Asteartea, irailak 22
- 19:00etan (ordua marearen arabera alda daiteke), Kukaña, gaztetxean.
- 20:30ean, ate irekiak eta luncha, gaztetxean.
Asteazkena, irailak 23
- 20:00etan, hitzaldia: "segurtasun neurriak", gaztetxean.
Osteguna, irailak 24
- 21:00etan, "Amores de barra" antzezlana, gaztetxean, Eider Tellaetxearen eskutik. Sarrera 2 euro. Eboluzioan zehar gizakia baldintzatu dute bere bizitzan egindako harremanek. Horren ondorioz, pertsona bakoitza apartekoa da, baina guztiek bat egiten dute kontu batean: maitasun harremanak bizitzeko modua...
Ostirala, irailak 25
- 21:00etan, film laburren emanaldia, gaztetxean.
- 23:00etan, eskenatoki irekia, gaztetxean.
Larunbata, irailak 26
- 11:00etan, igerilekua, eskalada murrua, ping-pong, dardoak, herri kirolen lehiaketa eta espekulatzaileari tiro, Santa Eugenia plazan.
- 15:00etan, herri bazkaria, gaztetxean. Txartela, bost eurotan.
- 18:00etan, triki-poteoa, gaztetxean hasita.
- 20:30ean, kontzertua Puñalada Trapera, Muskaria (Okupando Rom@-ko kide ohi batzuekin) eta Lor taldeekin, gaztetxean. Sarrera: 4 euro.
- 24:00etan, erromeria Unsain Anaiekin, gaztetxean.
Igandea, irailak 27
- 20:00etan, kantautoreak, gaztetxean.
- 23:00etan, azken traka, gaztetxean.
Oharra:
Euria eginez gero kanpoko jarduerak Itzubaltzeta gaztetxera lekuz aldatuko dira.
Itzubaltzeta gaztetxeak bost urte beteko ditu aste honetan
"Bost urtez... herria astintzen!" lelopean, Getxo udalerriko Itzubaltzeta / Romo herriko Itzubaltzeta gaztetxeak bosgarren urteurrena ospatuko du gaur hasita eta igandera arte, irailak 27. Gazteen esanetan, "aurten ere urtemuga ospatuko dugu, eta dagoeneko bost urte dira (nork esango zuen orduan...) 2004ko irailaren 30 hartatik, gaztetxe honetara sartu ginela, aurreko gaztetxearen desalojo bortitzak behartuta. Halere, hemen jarraitzen dugu herria astintzen, eta jarraituko dugu! Oraindik lan asko dago egiteko eta are gehiago kapitalak sorturiko krisi egoera honetan. Era berean, gogoratu nahi dugu Itzubaltzeta gaztetxea auzokideek hainbestetan eskatu duten Gobela ibaia 'bideratzearen' alde gaudela eta hortaz, gure elkartasuna dutela. Dena den, azpimarratu nahi dugu 'bideratze' lan horiek gaztetxearen parean ez direla beharrezkoak, txostenek argi utzi duten bezala. Bestalde, kontu horretaz mintzatzeko zein edozein gauza proposatu edota galdetzeko edo jardueretan parte hartzeko auzokide guztientzat gaztetxeko ateak zabalik daudela gogoratu nahi dugu. Azkenik, ezin dugu adierazpen hau amaitu herritik kanpo preso dauden lagunei agur bero bat helarazi gabe, etxean nahi ditugulako!". Gazteek egindako soinu deia (mp3) hemen entzun daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun