Uribe Kostako AAMk azaldu duenez, autobusa autopistatik joan zen Biriaturaino. Donostian istripu batek eragindako erretentzioa igaro ondoren, 16:20ak inguruan, Biriatuko mugatik kilometro bat eta erdiraino zegoen ilarara iritsi zen. Pixkanaka aurrera egin eta 16:45erako iritsi zen Espainiako Poliziaren kontroleraino. Bertan autobus pare bat eta auto batzuk zeuzkaten geldituta. Une batez gelditu ondoren, aurrera jarraitu eta Frantziako polizien kontrolera iritsi zen. Han, beste autobus pare bat eta beste auto batzuk ere erretenituta zeuzkaten. "Polizia frantsesak autobusera igo, guztien nortasun agiriak eta gidariaren paperak eraman zituzten", salatu du errepresioaren aurkako erakundeak. Bidaiariak bertan egon ziren, autobusaren barruan."Autobusetik irteteko eskatu eta pertsona bat, txandaka, bide bazterrean txiza egin edo zigarro bat erretzeko, besterik ez zuten autobusetik irteten utzi", AAMk gaineratu duenez. Denbora guztian poliziak egon ziren autobusaren ateetan, inor bertatik irtetea galarazteko. Beste autobus batzuetan, ordea, jende guztia irten zen kanpora, bide bazterrera.
“Espainiara” itzultzeko agindua
Bitartean mugan autoak tantaka pasatzen joan ziren. Handik gutxira, baina, muga erabat itxi zuten, eta horrela eduki zuten, ordu erdiz, edo; Frantziako poliziak batetik bestera zebiltzala, autobusen inguruan. Azkenean, bertan ia ordubete egin ondoren, nortasun agiriak bueltatu eta atzera “Espainiara” itzultzeko agindu zieten, besterik gabe, bidaiarien protestei kasurik egin gabe. "Gure aurretik beste autobus bat itzularazi zuten. Bueltako bidea hartu genuenean, 10 kilometro inguruko auto ilarak betetzen zituen autopistako bi karrilak", amaitu dutenez.
Uribe Kostako autobusa atzera bota dute mugan
2009ko ira. 21a, 00:21
Bi mila pertsona inguruk egin zuten manifestazioa atzo Donibane Lohitzunen, "Non dago Jon?" lelopean. Hala ere, beste herritar askori bezala, eskualdetik abiatutako autobusean zihoazenei ez zieten martxan parte hartzeko aukerarik eman. Uribe Kostako Amnistiaren Aldeko Mugimenduak salatu duenez, autobusa Biriatuko muga zeharkatu aurretik geldiarazi eta etxera bueltarazi zuten poliziek, "inolako azalpenik gabe". "Legezko ekitaldi batera joateko, legezko dokumentazioarekin, euskal herritarrok ezin izan dugu aurrera egin. Adierazpen askatasuna, manifestazio askatasuna, zirkulatzeko askatasuna… galarazi digute, berriro ere, armen indarrez galarazi ere, Estatuaren inposizioaren izenean", salatu du Uribe Kostako AAMk. Hain zuzen ere, gerra zikina salatzeko manifestazioa "gerra zikinaz oztopatzea" egotzi diete Espainiako eta Frantziako poliziei, "Jon Anzarekin zer egin duten argi erakutsiz". Argazkian, Biriatuko muga itxita eta autobusak itzularazten / EtengabeIrakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun