80eko hamarkadako "birmoldaketa" garaitik 2009ko atzeraldi handira bitartean 30 urtetik gora lanean daramatzagun langileoi, "adreiluaren" garaian ere prekarietatean lan eginez, etorkizunean prekarietate eta miseria gehiago eskaintzen digute, kapitalismoa salbatzeko.
Patronalak Gobernuaren laguntzaz "jatorrizko herrialdean kontratatzea" ahalbidetzen duten lege edo arauak darabiltza, langile atzerritarrez baliatuz gure lan-hitzarmenen arabera ordaindu beharko litzaiekeenaren erdia ordainduz. Milioika ordu estra sartzen dira "krisi" garai honetan, a ze kontraesana.
Langabeziak langile guztioi eragiten digu ez baitago inor bere mehatxutik salbu, ikasle gazteek etorkizun iluna daukate ikasketak amaitzean, INEMeko ilaretan amaituko dute gehienek.
Bizkaiko Langabetuen Asanbladak urte luzeak daramatzagu gure herrietan borrokan eta erresistentzian eta horretan berresten gara. Orain, gure indarrak batu eta mobilizazioak zentralizatzea erabaki dugu.
Gure aldarrikapen nagusiak denontzat lana eta soldata unibertsal duina dira.
Ez dugu 420 euroak bezalako limosna baztertzailerik nahi. Lan orduen murrizketa nahi dugu, ordu estrak ezabatzea nahi dugu, erretiro adinaren txikitzea, despidoen debekua, etxebizitza eskubidea ere exijitzen dugu, garraio publikoen doakotasuna langabetuentzat eta ez bazaigu lanpostu bat garantizatzen subsidio bat edo soldata sozial unibertsala exijitzen dugu...
Kontziente gara aldarrikapen hauek lortzeko kalera atera eta borroka egin behar dela. Hala, lehen mobilizazioa Bizkaiko Diputazioaren aurrean izango da irailaren 26an 12:00etan. Kontzentrazio honetan hitza emango diogu langabeziaren aurkako borrokarako nahiz antolakuntzarako proposamena duen edonori.
Langabetuen asanbladek ondoren euren borrokarekin jarraituko dute asanblada, itxialdi, okupazio, manifestazio eta abarren bidez.
Langabezian zein aktibo dauden langileei, ikasleei, etorkinei dei egiten diegu kontzentrazioan parte hartzeko.
Bizkaiko Langabetuen Asanbladak: "Langabeziaren aurka, langileen borroka"
2009ko ira. 21a, 00:46
OCDEren arabera langabeziak Hego Euskal Herrian 200.000 pertsonako zifra pasa du. 2010. urterako estatu espainolean langabezia %20ra iritsiko da, 57 milioi langabetu aurre ikusten dira. Zafra hotz hauen atzean ez da ahazte behar pertsonak daudela, pobrezia gordinean biziko diren familiak daudela, euren hipotekei edo alokairuei aurre egin ezin dielako etxea galtzen edo galduko dituzte. Hau da, ez dute bizitza duina izatea ahalbidetzen dien diru sarrerarik. Gobernu autonomikoak, zentralak, Europar Batasunak edo eta patronalak langileoi sakrifizioa eskatzen digute, Bankuei milioiak oparitzen dizkieten bitartean, enpresa handiei euren negozioa mantentzeko E.R.E.ak aprobatzen zaizkie, milaka langile kale gorrian utziz. Eta urteetan bildutako mozkinak paradisu fiskaletan "gordetzen" dira. Argazkian, atzo emandako prentsaurrekoan iragarri zuen mobilizazioak egiten hasiko dela Bizkaiko Langabetuen Asanbladak. Lehenengoa, larunbat honetan, irailak 26, 12:00etan Bizkaiko foru jauregiaren aurrean, Bilbon / Gaztesarea.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun