Idoia Mendia Eusko Jaurlaritzaren bozeramailearen arabera, PSE-EEk “beti nahiago izan du hitzarmenei buruz hauteskundeen biharamunean hitz egitea, herritarrek hitz egin" ostean. Ildo horretatik, bere hitzetan, PSE-EEk "logikoki, erakundeetan emaitzarik onenak lortzea espero du. Hortik aurrera, ikusteko dago zer nolako itun eta hitzarmen lor daitezkeen, momentuz guk nahi duguna emaitzarik onenak lortzea da eta, noski baietz, hauteskundeetaz hitz egiteko goizegi da nire ustez". Odon Elorza Donostiako alkate sozialistak ere eman du iritzia. Berak behintzat, ez omen du PPrekin akordiorik egingo, "ezein motako frontismoak saihesteko”. Andoni Ortuzar EAJren Bizkai Buru Batzarraren presidentea PSE-PP koalizioari aurre egiteko, “euskal gizartearen erantzunaren” alde agertu da gaur, horren helburua “EAJ boteretik kentzea” delako.
PP isilik
Araba, Bizkaia eta Gipuzkoako PPren ordezkaririk ez du egun hauetan gutxienez ahorik zabaldu. Dagoeneko apiril hasieran hainbat buruzagi popular aritu ziren PP-PSE akordioa bestelako erakundeetara zabaltzeaz. "Ikasle onek" ez dituztela gauzak "irailerako" uzten esan zuen Alfonso Alonso Arabako PPko presidenteak, Radio Vitorian egindako elkarrizketan. "Horrenbestez, zentzuzkoa da oporretan joan aurretik kontua konponduta izatea", gaineratu zuenez. Egun berean, Antonio Basagoiti EAEko PPko presidenteak “baieztatu” egin zuen Arabako Gobernua eta Getxoko Udala eskuz aldatuko zirela. Nolanahi ere, ez zuen eperik jarri.
EAJri Getxoko alkatetza kenduko liokeen akordioaz hitz egiteko “oso goiz” dela dio Mendiak
2009ko ira. 21a, 23:17
PSE-EE eta PPren arteko hitzarmena 2011ko udal hauteskundeetara arte luza zitekeela adierazi zuen joan den ostegunean Jose Antonio Pastor Eusko Legebiltzarreko bozeramaile sozialistak. Horren arabera, Getxoko Udala eta Arabako Foru Aldundia EAJri kentzea izango litzateke akordioa luzatzearen helburuetako bat. Mallabiako batzokiaren atzoko irekiera ekitaldian ere izan zuten oihartzuna adierazpen horiek. Ituna luzatzeko asmoak PSE-EEko kideen artean “lotsa” sortu duela adierazi zuen Iñigo Urkullu EAJko EBBko presidenteak. Horregatik, "zirriborro bat besterik ez dela esan behar izan dute", gaineratu zuenez. Pastorrek berak aurreratu zuen Araba, Bizkaia eta Gipuzkoako sozialistek urrian egingo duten batzarrari begira prestatzen ari diren txostenean biltzen den asmoa dela hori, eta beraz, oraindik baieztatu gabekoa. Txosten hori ez dela behin betikoa adierazi du Eusko Legebiltzarreko kideak, eta aldaketak izan ditzakeela. Barrikako PSE-EEren zinegotzi izandako Idoia Mendiak, hau da, Gasteizko Gobernuko egungo bozeramaileak atzo ere aritu zen PSE-PP hitzarmenaz. Bi urte barruko akordioez hitz egiteko “oso goiz” dela esan zuen, Cadena Ser irrati-katean eskainitako elkarrizketan. Argazkian, Getxoko PP eta PSE-EEko zinegotziak batera bozkatzen udal batzar batean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun