Larunbatean, irailak 26, 11:30ean zabalduko dute azoka, pregoia irakurriz eta kalea girotuz. Ondoren, historia gunearen aurkezpena egingo dute. Bitartean, denboran atzera egin eta Malmasingo gazteluan zelan bizi ziren irudikatzeko aukera emango die haurrei ipuin kontalariak. 13:30etik aurrera, berriz, "Legenardunak" izenburuko antzezlana egongo da ikusgai. Dagoeneko, arrastian, antzinako ezpata borroka erakustaldia eskainiz abiatuko dute azoka, Erdi Aroko euskal kale animazioarekin jarraituz. Arratsaldeko zazpietan, berriz, juglareen musika eta bertsoek alaituko dute Moreaga, "Zugarramurdi" antzezlana hasi baino ordu bete lehenago.
Haurrentzako gunean, jarduera ugari izango dira bi egunetan zehar. Goizez, 11:00etatik 14:00etara, elkarrekintza tailerrak egingo dituzte: antzinako ezpata borroka, arku-tiroa, errementaritza, malabareak eta egurrezko jostailuak, hurrenez hurren. Arratsaldean, besteak beste, ipuin kontalariak, Erdi Aroko jolasak eta bikingoen itsasontzia egongo dira txikientzat.
Igandean, irailak 27, antzekoa izango da egitaraua. Hala ere, 13:00etan, Xabi eta Fredi Payak eskainiko duten saioa nabarmendu behar da. Ordu erdi beranduago, kale antzerki saioari emango diote hasiera. Arratsaldean, Erdi Aroko zirku erakustaldiak dira aipatzekoak, bata ikusle guztientzat eta bestea umeentzat bakarrik; 18:30ean eta 19:00etan, hurrenez hurren. Era horretan itxiko dute iaz Moreagara milaka bisitari erakarri zituen Erdi Aroko Azoka.
Egitaraua:
Irailak 26, larunbata
11:00 Deia.
11:30 Pregoia eta irekiera ekitaldia.
12:00 Erdi Aroko euskal kale animazioa.
12:45 Historia gunearen aurkezpena.
13:00 Istorio kontalaria: "Malmasingo gaztelua".
13:30 Kale antzerkia: "Legenardunak".
17:00 Antzinako ezpata borroka.
18:30 Erdi Aroko euskal kale animazioa.
19:00 Bertso musikatu kalejira.
20:00 Antzerkia: "Zugarramurdi".
Umeen Gunean:
11:00-14:00 Elkarrekintza tailerrak: antzinako ezpata borroka, egurrezko jostailuak, arku-tiroa, errementaritza eta malabareak.
17:00-20:00: Erdi Aroko kanpamendua, magoa, ipuin kontalaria, Erdi Aroko jolasak eta bikingoen itsasontzia.
Irailak 27, igandea
11:00 Merkatuaren irekiera.
11:30 Erdi Aroko euskal kale animazioa.
12:00 Istorio kontalaria: "1200 konkista".
12:30 Antzinako ezpata borroka.
13:00 Bertso saioa: Xabi eta Fredi Paya.
13:30 Kale antzerkia.
17:00 Erdi Aroko euskal kale animazioa.
18:00 Antzinako ezpata borroka.
18:30 Erdi Aroko zirku ikuskizuna.
19:00-20:00 Erdi Aroko zirku ikuskizuna, haurrentzat.
Asteburu osoan zehar:
Girotze lana.
Hainbat jaki dastatzeko guneak (taloa, olagarroa, kebbac, euskal gozogintza…).
Umeen gunea (elkarrekintza tailerrak).
Historia erakusketa.
Antzinako ezpata borroka (gidatua).
Artisau lanbideak zuzenean ikusteko aukera.
Elikagaigintza eta artisautza tradizionala (60 saltoki inguru).
Erdi Aroko kanpamendua (8 denda).
Azoka arabiarra.
Erakusketak:
Erdi Aroko kirurgia tresnak (gidatua).
Erdi Aroko armak (120 arma).
Erdi Aroko artilleria piezak.
Erdi Aroko torturatzeko tresnak (25 pieza).
Euskal Herrian girotutako Erdi Aroko Azoka egingo dute asteburuan Berangon
2009ko ira. 24a, 14:39
Denboran atzerako jauzia eginez, Erdi Aroko Azokaren erdigune bilakatuko da, irailaren 26an eta 27an, Berangoko Moreaga plaza. Besteak beste, Euskal Herriko garai horretako bizimodua islatuko dute antzerki eta ipuin kontalari saioek. Horretaz gain, bereziki haurrei zuzendutako gune bat egongo da. Bestalde, malabaristek, bufoiek eta juglareek giroa alaitzen duten bitartean, sasoi horretako hainbat produktu erosteko aukera ere izango dute bisitariek, 60 saltoki ingurutan. Izan ere, Erdi Aroko kanpamentuaz eta azoka arabiarraz gain, merkatua egongo da Moreagan. Nabarmentzekoak dira asteburu osoan zabalik egongo diren erakusketak. Besteak beste, Erdi Aroko kirurgia tresnak, 120 arma, artilleria pieza eta 25 torturatzeko tresna ikusi ahal izango dira. Gehiago girotu aldera, taloa, olagarroa eta euskal gozogintza izango dira dastagai; baita antzinako ezpata borroka eta artisau lanbideak zuzenean ikusgai ere. Txikiek, berriz, elkarrekintza tailerrak izango dituzte. Argazkian, ezpaten borroka iazko Erdi Aroko Azokan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun