Saioa Otxoa de Alda Gizarte Ekintza zinegotziak azaldutakoaren arabera, ginkana baten modukoa da biharko Osasun Jaia. Ekimenean laguntzen duten Erandioko 16 elkarteetatik bakoitzak jardueraren bat prestatuko du ume zein gazteentzat, eta horietako bat egiten dutenean pegatina bat jasoko dute neska-mutilek, zeinean umeen eskubideetako bat (berdintasuna, elkartasuna, partaidetza, bakea...) adierazita egongo den. Album batean horien guztiak batuta, opari bat jasoko dute txikiek. Horretaz gain, bizikleta bat zozketatuko da euren artean. Aipatu jarduerekin batera, gaztelu puzgarriak, globo aerostatikoa, euskal dantza agerraldia, Erandioko Udal Musika Bandaren emanaldia eta pailazoen ikuskizuna izango dira. Indarrak hartzeko berriz, freskagarriak eta txorizoa sagardotan doan hartzeko etxolatxoa ere egongo da, neska-mutilen zein horien gurasoen gozamenerako.
Autobusak
Altzagatik Akarlandara heltzeko, 9:00etatik aurrera egongo dira autobusak. Horrenbestez, orduro izango da Unberako bidaia, 12:00ak arte, metro geltokitik abiatuta. Bueltatzeko, berriz, Akarlandako Gurutze Gorriko postuan hartu ahal izango da autobusa, orduro, 13:00etatik 16:00etara. Astrabuduan (Mezo kaleko autobus geralekuan) eta Erandio Landako Andra Mari elizan ere hartuko dituzte bidaiariak. Ohiko herri barruko autobusaz gain, unitate berezi bat doan ibiliko da.
Erandioko Drogamenpekotasunen Prebentziorako Udal Batzordeak antolatuta, Haurren Eguna izenez ere ezaguna den Osasun Jaia ospatuko dute larunbat honetan, irailak 26, Akarlandako parkean (Unbe). Gehienbat udalerriko haur eta gazteei zuzenduta dago, 17 urte bitarteko erandioztarrentzat, hain zuzen. Aurreko urteetan bezalaxe, aurtengo ekitaldian ere garrantzi berezia emango diete umeen eskubideei. Ekitaldian, "bizimodu osasuntsua eta ingurugiroaren babesa sustatzeko eta alkoholdun edarien zein tabakoaren kontsumoa prebenitzeko xedea duten jarduera jolasgarri eta animaziozkoak" edukiko dituzte neska-mutilek, udal iturriek zehaztu dutenez. Horrenbestez, bazkalordura arte luzatuko da jaia. Akarlandara joateko, ohiko herri barruko autobusaz gain, unitate berezi bat doan ibiliko da. Argazkian, gaztelu puzgarriak iazko Osasun Jaian, Akarlandan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun