120 orduko (bost egun) inkomunikazio egonaldiak tortura bortitzak pairatzeko arriskuan jartzen ditu terrorismo akusaziopean atxilotutako pertsonak, horren bidez frogak eta autoinkulpazioak lortzen dituztelarik.
Pagoa euskal preso politikoen kolektiboaren parte izango da berriro ere, estatu espainol eta frantsesa suntsitzen saiatzen ari diren kolektiboa hain zuzen ere: gaixo larriak kartzelan mantentzen, espetxealdiak luzatzen biziarteko zigorrera kondenatuz, beren zigorra bete duten presoak kartzelak mantentzen. Eta orain beraien argazki eta irudiak kaleetatik desagerrarazten saiatzen ari dira, preso politikoak gatazkaren ondorio direlako, horrela gatazka bera existituko ez balitz eginez, baina izaera politiko hori indartu baino ez daude egiten.
Egoera hau salatzeko eta eskubide-urraketa hauen erantzuna emateko mobilizatzera dei egiten dizuegu:
Irailaren 25ean, azken ostirala, arratsaldeko 8etan, Txoperako plazan.
Aski da! Auzi fartsarik ez! Euskal Herriak askatasuna!
Leioako Amnistiaren Aldeko Mugimendua
Pagoa Zulueta Vazquez 2009ko urtarrilaren 12, 13, 14 eta 19an auzipetua izan zen eta berriki komunikatu diote sententzia: 6 urteko kartzela zigorra betetzera eta inhabilitaziora kondenatua izan da, torturapean lortutako deklarazioetan oinarritutako epaiketa bati esker. 2005eko otsailaren 9an, gau erdian, atxilotu zuen Polizia Nazionalak bere etxean. Pagoa lo zegoela sarrerako atea apurtu, etxera sartu, pistola buruan jarriz esnarazi, kolpatu eta mehatxatu zuten. Etxea bost orduz miatu ondoren bahitu zuten inkomunikazio egoera ezarriz gainera. Bost egunez non zegoen inortxok ere jakin gabe, Madrilgo Auzitegi Nazionalera eraman zuten. Epailearen aurrean tratu txarrak salatu zituen baina kartzeleratu egin zuten. Bi urtez espetxeratua eta dispertsatua izan zen, herritik 444 kilometrora dagoen Soto del Real (Madril) eta gero Aranjuez (Madril), 529 kilometrora, espetxeak ezagutu ditu. Argazkian, hasieratik Zulueta eta beste 13 lagun atxilotzeko operazioa muntaia bat zela salatu zuten Zuluetaren auzokideek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun