Opera pertsona helduentzat eta dotoreentzat soilik delako ustea dago gure artean, baina antza, inondik inora. Are gehiago, txikitatik ikuskizun mota hori ezagutzeko apustua dauka Opera Divertimento taldeak. Haurrentzako prestatu dute "Bazen behin… opera" lana eta Areetako Andres Isasi Musika Eskolan antzeztuko dute irailaren 27an, igandearekin, "UK" aldizkariak Uk Agenda buletin digitalaren bitartez jakinarazi duenez. Opera Divertimentokoek diotenez, operaren munduaz umeen interesa piztu, mundu horretara gonbidatu eta horretan heztea du helburu. Gainera, euskaraz ere egingo dute: emanaldi bi eskainiko baitituzte, gaztelaniaz 12:30ean eta euskaraz 18:00etan. Sarrerak dagoeneko eros daitezke 4 euroren truke. Beraz, aitzakiarik ez dago ikuskizun bitxia galtzeko. Argazkian, ikusleekin batera aritzen dira aktoreak / © Opera Divertimento.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun