Udaleko Hezkuntza Sailak eta Getxo Kirolak erakundeak antolatutako Udako Ikastaroetan 179 gaztek hartu zuten parte, 11 eta 14 urte bitartekoek, LHko 6. mailakoek eta DBHko lehenengo ziklokoek (61 LHko 6. mailakoek, 70 DBHko lehenego mailakoek eta 48 DBKko 2. maikakoek). Ekimen hori, behin ikasturtea bukatuta, “indartze” akademikoan datza eta egunero ikasketak eta kirolak uztartzen ditu. 2009an aurreko urtean baino 56 ikasle gehiagok eman dute izena.
Aldiz, Getxo Kirolak berak 4 eta 14 urte bitarteko umeentzat antolatutako kirol ikastaroetan 868 lagunek hartu zuten parte (592k Faduran eta 276k Gobelan), 2008an baino 68 gehiagok.
Andres Isasi musika eskolak, uztailaren 6tik 17ra bitartean, lehenengo “Kolonia-musikalak” antolatu zituen. Horietan 45 pertsonek eman zuten izena (10 mutilek eta 35 neskak), 4 eta 12 urte bitartekoek. “Ikasturte-bukaeraren” jaialdian, egindako lana erakutsi zutenean, musika eskolako areto nagusia bete egin zen.
Azkenik, udal liburutegiek antolatutako Letren Terrazetan 26.727 umek hartu zuten parte (23.375ek liburutegietan eta 3.352k tailerretan eta jolas osagarrietan). 2008an 25.066 ume erabiltzaile izan ziren (20.465 liburutegietan eta 4.601 tailerretan eta jolasetan).
Getxoko haur eta gaztetxoek 28.000 aldiz hartu dute parte udako udal jardueretan
Getxoko Udalak udan diruz lagundu dituen ekimenetan 4 eta 14 urte bitarteko haur eta gazteek 27.819 aldiz hartu dutela parte jakinarazi du gaur Keltse Eiguren Berdintasun Arloko zinegotziak. Eigurenek azpimarratu du ekimen horiek gazteen aisialdia eta hezkuntza sustatzeaz gain familien bizitza eta lana uztartzen lagungarriak izan direla: “badakigu adingabeen zaintza lanetan adiskidetze eta erantzukizun-partitze arlotan ibilbide luzea dugula egiteko oraindik". Horregatik, azaldu duenez, "Udalean oso garrantzitsutzat eta beharrezkotzat jotzen dugu hain zaila den bizitza familiarra eta lanekoa batera eramatea errazteko era ezberdinetako programak eta ekimenak sustatzea”. Argazkian, hainbat lagun Getxoko Sarri plazako udako liburutegian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun