ONA zerbitzu ugari eskuratzeko atea zabaltzen duen "giltza unibertsala" da. Soluzio teknologikoak biltzen ditu (sinadura elektroniko aurreratua eta ezagutua, itsasontzien jokoa, hurbiltasuneko antena, barra-kodea eta banda magnetikoa) eta, horiei esker, besteak beste, "berme eta segurtasun osoz" izapide digitalak egiteko aukera dago, bai administrazioetan, bai hirugarren pribatuekin, esaterako, BBKn.
ONA txartelarekin egin daitezkeen izapideak:
Eusko Jaurlaritzaren zerbitzuak:
- Osasunekoak (Osakidetza): Medikuarekin hitzordua gordetzea, mediku aldaketa eskatzea, bigarren mediku baten iritzia eskatzea, asistentzia-espedienteak eskatzea, bajen datuak eskatzea....www.osanet.net
- Orokorrak: Kontratazio-baldintzen orriak, enpresen erregistroa eta sailkapena, kolektiboentzako zerbitzuak (elektrizitate-instalatzaileak, jokoa eta ikuskizunak...) www.euskadi.net
Foru-zerbitzuak: PFEZ bideratzea, autolikidazioak, zerga aitorpen telematikoak, datu fiskalen kontsulta, iradokizunak, nire zorrak, fakturen kontsulta...
Udal zerbitzuak: Gutxi-gutxika udal zerbitzu berriak gehitzen joango dira, besteak beste, katalogoen kontsulta eta udal liburutegiko liburu maileguak, kiroldegietara sarrerak eta errolda agiriak jaso.
Bestelako izapideak: Gidabaimenaren puntuak kontsultatzea, lan-bizitza kontsultatzea, katastro-datuak kontsultatzea, banku-erakundeekin harremanetan jartzea...
Non eskatu:
- Udaletxean, 9:00etatik 14:00etara.
- Astrabuduako Udal Bulegoan (Mezo, 20), 9:00etatik 14:00etara.
- Altzagako liburutegian (Jesus Aranburu, 6-8), 11:00etatik 13:30era eta 16:15etik 19:00etara.
- Astrabuduako liburutegian (Josu Murueta Plaza), 11:00etatik 13:30era eta 16:15etik 19:00etara.
- Altzagako kiroldegian (Tartanga, 20), 10:00etatik 20:00etara.
- Astrabuduako kiroldegian (Atxutegi, z/g), 10:00etatik 20:00etara.
ONA izeneko erabilera anitzeko osasun txartel elektroniko berria aurkeztu dute gaur, Erandion, Joseba Goikouria alkateak eta Itsasne Agirre Eginkizun Publiko eta Giza Baliabideen Kudeaketaren ordezkariordeak. Agiri horrek egungo osasun txartela ordezkatzeaz gain, Osakidetzan ez ezik, udaletan, aldundietan, Eusko Jaurlaritzan, Espainiako Administrazioan eta hainbat erakunde pribatuetan ere izapideak egiteko aukera ematen du, etxetik mugitu gabe, adierazi dutenez. Besteak beste, errolda agiria eskatu eta kiroldegi eta liburutegietan erabili ahal izango dute ONA txartela erandioztarrek. Hori horrela, ONA 16 urtetik gorako edonork eska dezake baldin eta lehenago osasun txartel indibiduala (OTI) badauka, hau da, Osakidetzako ohiko txartela. Doan eskura daiteke oraingo OTIa eta DNIa aurkeztuz. Horretarako, udaletxera, Astrabuduako udal bulegora, eta Altzaga zein Astrabuduako kiroldegi eta liburutegietara jo beharko dute herritarrek. Argazkian, Getxon, Josu Garai Eusko Jaurlaritzaren Osasun Saileko Osasun-Finantziazio eta Kontratazioko aurreko zuzendariak aurkeztu zuen ONA txartela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun