Leioako Udal Euskara Zerbitzuak antolatu ohi duen "Olgetan euskaraz" egitasmoa datorren hilean izango da bueltan. Jolasak eta tailerrak euskaraz lantzeko ekimena dugu hori, 1998 eta 2004 urteen artean jaiotakoentzat eta Leioan erroldatuta dauden neska-mutilentzat zuzenduta, tokiko iturriek zehaztu dutenez. Gauzatuko diren ekimenak urriaren 13an hasiko dira eta zabalik dago jada izena emateko (pdf) epea. Hilaren 6ra arte egongo da horretarako aukera. Jardueren ordutegia 17:30etik 19:00etara izango da, astelehen eta asteazken edota astearte eta ostegunetan. Topagunea beti bezala Txomin Aresti ikastetxea izango da eta matrikulazio tasa 58,50 eurokoa da. Informazio gehiago gura dutenek Jose Ramon Aketxe plazan dagoen Euskara Zerbitzura hurbildu edo 946 072 576 telefono zenbakira dei dezakete. Argazkian, hainbat neskato mozorroturik eta jolasean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun