Barrika, Berango, Gorliz, Lemoiz, Plentzia, Sopela eta Urdulizko 300 dendari zuzendutako kanpaina ekologikoa jarri du abian Uribe Kostako Zerbitzu Mankomunitateak. Plastikozko ohiko poltsak patata-fekulazko poltsa biodegradagarriengatik ordezkatzea du helburua egitasmoak. Imanol Garai Sopelako alkateak poltsa horiek dituzten "abantak" izan zituen hizpide, orain bost egun, kanpainaren aurkezpenean: "plastikozko poltsak albo batera utziko ditugu, oso erosoak eta erabilgarriak diren beste batzuekin ordezkatuz. Aldaketa hori ez da traumatikoa izango, ez dendarientzat, ezta erosleentzat ere", aipatu zuenez. 15 patataren fekulatik 100 poltsa inguru lor daitezke, tokiko iturrien arabera. "Ohiko poltsa baino garestiagoa da, baina ingurumenarekin bateragarriagoa da, guztiz biodegradagarria baita", azaldu dutenez. Argazkian, Imanol Garai erdian, poltsetako bat eskuan / © Sopelana.net.
"Egiozu aurre plastikoari" kanpainaren bidez patata-fekulazko 40.000 poltsa banatuko dira, 15.000 giltzurrun erakoak eta 25.000 kamiseta erakoak. Aukeraketa horren arrazoia da horiek direla ingurumenarekin bateragarrienak. Plastikozkoen itxura bera dute, gogorrak eta iragazgaitzak dira, baina biodegradagarriak, konpostagarriak eta CO2rik gabekoak dira. Gainera, produktu hori plastiko bezala ere birzikla daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun