Horretaz gain, erakusketa grafiko batzuk ere egongo dira: Bizkaiko Zubian, “Burdinazko ate handia eta herri baten loraldia: Getxo” izenburukoa; Portu Zaharrean, “Portu Zaharra eta bertakoen ogibideak”; eta Galeako gotorlekuaren ondoan jarriko den turismo informazio gunean, "Getxo, Abraren zaindaria eta begiralea" izenekoa. Lehenengo biak aire zabalean izango dira.
Bizkaiko Foru Aldundiak bultzatzen ditu aipatu jardunaldiak eta gure lurraldean “Bizkaia, bideetan zehar” gaiari buruz arituko dira. Aitor Soloeta Turismo zinegotziak adierazitakoaren arabera, ekimen honekin lortu nahi dela “kalitatezko esperientzia baten bidez gure ondarea gozatu, ezagutu eta errespetatzea" lortu nahi dute ekimenaren bitartez; "hala nola, ondarea ingurumena kontserbatzearen aldeko estrategiei gehitzea (Agenda 21), ondarea ingurumenaren osagai moduan ulertuta eta etorkizuneko belaunaldietarako zaindu eta kontserbatu behar dela ulertuta”.
Ondare geologikoa
Hala ere, kultur ondarea ez ezik, Geologia arloan bere harribitxiak ere badauzka Getxo udalerrian. Ostiral eta larunbat artean Algortako Igeretxe hotelean izandako Nazioarteko Estratigrafia Batzordearen topaketetan, Getxoko Gorrondatxe hondartzan (Azkorri izenaz ezagunagoa) azaleratzen den arroka multzoa estratotipo izendatzea erabaki zuten. Zera esan nahi du horrek: Lurraren garai geologiko bat aztertu ahal izateko munduko erreferente izendatu dituzte Gorrondatxeko itsaslabarrak. Kasu honetan, Eozenoari dagozkion Ypresiar eta Lutetiar estai geologikoen arteko muga ikertzeko. Horrenbestez, Gorrondatxeko sekzioa adin horretako materialak aztertzen dituzten munduko zientzialari guztientzat bisitatu beharreko leku bilakatu da.
Aurten ere antzeztutako bisita gidatuak egingo dituzte Getxo udalerrian zehar
Getxo udalerriko ondare kulturala zabaltzeko asmoz, Ondarearen Europako Jardunaldiekin bat egingo du aurten ere tokiko Turismo Bulegoak. Gauzak horrela, urriaren 1etik azaroaren 1era, “Abra, itsasoko bidezidorra” ezagutzera emango dute. Horrek bi ibilbide izango ditu: bata, Galeako gotorlekua, "itsas trafikoaren joan-etorrien zaindari bakartia", ezagutzera emango duena; eta bestea, "ontziak gidatzeko bizitza arriskuan jartzen zuten esperientzia handiko pilotuen sorleku" izandako Algortako Portu Zaharra eta Bizkaiko Zubia lotuko dituena. Azken hori, "itsasadarrerako ate dotore" eta gizadiaren ondare. Euskaraz edo espainolez izango diren bisita gidatuen bitartez, ibilbide bakoitzean, bertan ibiltzen ziren pertsonen ogibideak eta bizipenak ezagutzeko aukera edukiko dute parte-hartzaileek, antzerki pasarteen bitartez. Gainera, aurten, nobedade bezala, Aurten, nobedade bezala, Udal Euskara Zerbitzuak ere parte hartuko du jardunaldietan, 3 orduko bi toponimia ibilaldi eskainiz. “Basañez” izenekoak Neguri, Algorta eta Zubilleta arteko bidea egingo du. “Bizkaiko Zubia” izeneko ibilbidean, berriz, aipatu gizadiaren ondarea, Bola hondartza, Ereaga, Portu Zaharra, San Nikolas, Telletxe, Getxo, Diliz eta Azkorri bisitatuko dituzte. Argazkian, Martin itsas portuko pilotua eta hondartzan algak hartzen eta zirga lanetan ibiltzen zen Bonifacia "Boni" Portu Zaharreko balkoi gorrian, iazko bisitetan. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun