Ekintza horien agerpen unea ez da zorizkoa. Okupazio indarren desmoralizazio une batean dator, Frantziako Barne ministroak esan bezala, euskal erresistentzia armatuaren ordezkapen gaitasuna etsigarria zaie. Horrek euren jatorriaren eta helburuaren berri ematen digu. Espainiako segurtasun indarretatik hurbil dagoen jendea da, eta okela guztia sutan jartzeko unea dela iradoki zaie. Azken ahalegin batekin errendizioa bultza litekeela sinetsi du bateren batek.
Gakoa, euskal independentismoaren hurrengo jokaldian datza. Zoritxarrez, ez dago munduan halako presioaren aurrean ahultasun sintoma moduan interpreta litekeen urratsik egingo duen erakunderik. Eta tentsio horren erdian, Kurdistanen bezala, epe laburrera, mailegatutako botere guneak gure herriaren eskubideak ukatzen dituztenek kudea ez ditzaten, inposatutako arauen barruan mugituko den bloke independentista bat osatzea beste aukerarik ez dago.
Hitza jolas bihurtzeko sasoia da.
Fredi Paya bertsolari algortarrak ostiralean "Berria" egunkarian argitaratutako artikulua.
[© Fredi Paya - Berria.info] Zer gertatuko litzateke denok dakigun erakunde armatuak ondo etorria emango balio EAJko gobernu bati? Eta ez dezala inork esan Falange y Tradicion talde terrorista ez denik, milaka hildako ditu XX. gizaldian, eta orain estatu terrorismoa, tortura eta Frankismoaren apologia egiten dabil. Estatuak trantsiziotik "de facto" egin duenari hitzak ipintzea besterik ez den arren. Baina ez dezagun ahaztu zigortzen dena ez direla bitartekoak, helburua baizik. PSOE bider boterea berdin estatu terrorismoa ekuazioak ez du hutsik egiten. Inoiz ezingo dira loturak frogatu, baina PP gobernuan dagoenean ez da halakorik gertatzen. Euren jokamoldea beti da bera, talde independente legez agertzen du bere burua estatuaren baimen barik gau bateko bizitza esperantzarik ez leukakeenak. Hala sinetsarazi gura digute estatuko estolderiek ez dakitela izen-abizenez nor dagoen pintada bakoitzaren atzean, zein kuarteletatik atera zen Sonia Polori bidalitako bala eta zein dirurekin erosi ziren espraiak? Otoi, bidaia honetan bueltan gatozela. Argazkia: cc-by Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun