Saharako nagusien egoitza bat eraikitzeko laguntza eman du Sopelak
2009ko ira. 29a, 19:09
Sopelako Udalak Saharako Dora herriko pertsona nagusiei zuzendutako egoitza eraikitzeko hirugarren eta azken diru-laguntza eman dio gaur Fronte Polisarioko Fatma Mohamed ordezkariari. Udalak 40.000 euro inbertitu ditu denera egitasmo horretan. Pertsona nagusientzako egoitza hori Nuyum elkartearen ekimena da eta 500 pertsona inguru hartuko ditu. Eraikuntza eta ondorengo barne funtzionamendua sahararrek egingo dute. Lanak urtea amaitze aldera bukatuta egotea aurreikusita dago. Udal ordezkaritza bat abenduan joango da bertara egoitzaren egoera zein den ikusteko. Ekitaldian, Fatma Mohamed Euskadiko Frente Polisarioko ordezkariak "biziki" eskertu egin du "Sopelako Udaletik eta herriko biztanleengandik jasotako laguntza. Halaber, eskatu egiten dugu indar bera manten dezatela NBEk Saharako autodeterminazio eskubideari buruz hartutako erabakiak errespeta daitezen”. Argazkian, Fatma Mohamed, erdian, Sopelako hainbat zinegotzirekin.Bere aldetik, Gonzalo Garcia Martin EAJko Udal Taldeko bozeramaileak ekitaldian adierazi duenez, “egitasmoa abian jartzea beharrezkoa zela nabari zen populazioaren sektore horrek ase gabeko beharrak zituela ikusi ostean, hala nola, elikadura, osasuna eta higienea”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun