Garrantzi aldetik, iazko Berangoko Milia Estatu mailako hirugarren lasterketa izendatu zuen Espainiako Atletismo Federazioak. Aurten, berriz, Barakaldoko Hiri Milia data zehaztu barik atzeratu eta Getxoko Milia jokatu eta aste betera egingo dute. Kartela ere ez da nolanahikoa: eliteko 30 lasterkari inguru lehiatuko dira. Lehen aipatu atletekin batera, gizonezkoen artean, Valladolideko Alvaro Rodriguez eta Malagako Alvaro Fernandez izango dira helmugan. Berlingo Munduko Txapelketan parte hartutako korrikalari bat konfirmatzeke badago ere, ziurtatuta dago iraupen erdiko hiru euskal lasterkari onenen presentzia: Ivan Fernandez arabarra eta, Iker Sanchez eta Iñigo de la Granja bizkaitarrak, hurrenez hurren.
Bitartean, emakumezkoetan, Jacqueline Martin katalana, Isabel Macias aragoiarra, Paula Gonzalez kantabriarra, Teresa Urbina extremadurarra eta, Maitane Melero eta Leire Medina euskal herritarrak ere izango dira, beste batzuen artean. Baita Espainiako bi txapeldun eta bost txapeldunorde ere. Horiekin batera, 800 metrotan espezializatutako Khadija Rahmouni marokoar -Espainiako nazionalitatea ere badauka- gazteak, Suzanne Hasler galestarrak eta Aparecida Mendes portugaldarrak Berangon izango direla konfirmatu dute.
Krisialdia gaindituz
Orain egun batzuk egindako aurkezpenean, krisialdi ekonomikoak estutasunak eragin dizkiela aipatu zuten Berango Atletismo Taldeko kideek. Hala ere, aurtengo probaren "xarma" eta "kalitatea" nabarmendu zituen Anabel Landa alkate berangoztarrak eta, horregatik, Berangoko Milia aurkezteagatik "harro" zegoela aipatu zuen. Lasterketa berangoztarraren garaipen-zerrendari dagokionez, Rui Silva portugaldarrak sei aldiz izan da txapeldun Berangon, azkena 2007an. Horren herrikide Carla Sacramento eta Zulema Fuentes-Pila espainiarrak lautan irabazi dute.
Iraupen erdiko espezialista bikainak ariko dira larunbat honetan, urriak 3, Berangoko Nazioarteko Miliaren 22. edizioan. Besteak beste, 1.500 metrotan egungo Espainiako txapeldun Reyes Estevez, txapeldunorde izandako Juan Carlos Higuero, Arturo Casado eta Jose Luis Blanco izango dira Gobelaldeko zirkuituko irteera lerroan, 19:15ean. Horiek guztiak iaz Berangon txapela jantzi zuen Mekonnen Gebremedhin izango dute lagun. Emakumezkoak, berriz, 20 minutu lehenago abiatuko dira. Horien artean, 1.500 metrotan Holandako txapeldun Adrienne Herzo, Eva Arias eta Iris Fuentes-Pila; hiruak Berlingo mundialean parte-hartutakoak. Joan den larunbatean, Getxoko Milian lehenengo eta bigarren izandako Margarita -Berangon irabazi zuen iaz- eta Zulema Fuentes-Pilak ere korrituko dute proba. Bitartean, elite karrereten aurretik etorriko dira eskola eta herri lasterketak, 16:40ean hasita. Hain zuzen ere, gaur izango da horietan inskribatzeko azken eguna, 18:00etatik 20:00etara, Berangoetako kultur etxean. Faxez (946 680 955) edo telefonoz (946 682 143) ere izena eman ahal izango da. Orotara, 300 korrikalarik parte-hartzea espero du Berango Atletismo Taldeak, profesional, herritar eta eskola-umeen artean. Argazkian, Ana Landa alkateak ere parte hartu zuen Berangoko Miliaren aurkezpenean / Berangoko albisteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun