Ba nik presoen argazkiak ikusten darrait. Kalean begira dauzkat, tabernetan, pegatina eta afitxa ugaritan topatu ditzakegu. Ez naiz ni sekula baino gehiago daudela esango duena, baina hor daude.
Gaur kalean nenbilela, Urko ikusi dut, farrez, Korrikako petoa jantzita, beste preso baten argazkia eskutan zuela ateratako erretratu batean.
Gari Garaialde argazkilaria "Zu Zeu" aldizkari digitalean argitaratutako artikulua.
[cc-by-sa Gari Garaialde - Zuzeu.com] Gobernu berria osatu eta barne sailburua izendatu zutenetik behin eta berriz irakurri dugu beraien argazkiak kaleetatik desagerraraztera zihoazela. Balkoietatik, kaleetatik eta tabernetatik preso politikoen argazkiak desagerrarazten saiatu dira. Hamaika alditan sartu da Ertzaintza lokal eta etxe pribatuetara argazkiak kentzera. Ez dira bi, paparrean pegatina bat eramateagatik gaua itzalean pasatutakoak. Batek baino gehiagok bisitatu beharko du "Audiencia Nacionala" presoen argazkien afera dela medio. Presoen aldeko ekimenetan parte hartzeagatik polizia desberdinek jipoitutako multzokada bat lagun dabil kalean. Gaurko prentsak EUDEL eta Barne Sailaren arteko itunaren berri eman digu, argazkiak debekatze aldera aurrerapauso eraginkorra izango delakoan. Argazkian, Urko Labeaga Sopelako euskal preso politikoa eta, ondoan, gatibu sopeloztarra ere den Aitor Bores.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun