Getxoko Udal Gobernuaren oharra:
Gobernu Taldea aste honetan Salsiduko auzokideekin bilduko da, Salsidun, atzo, igandean bizi izandako tentsio uneak ekiditeko neurriak hartzeko.
Imanol Landak, Alkateak, adierazi bezala, “trafikoaren mozketarekin joan den igandean gertatutakoa deitoratu egiten dugu denok eta beraz, mota horietako egoerak berriro errepika ez daitezen, denon artean eztabaidatu behar ditugu auzokide batzuek manifestatzeko duten bidezko eskubidea eta hori bezalako bidezkoa den eta gainontzeko herritarrek oztoporik gabe ibiltzeko duten eskubidearen arteko oreka beharrezkoa mantentzeko neurriak. Horretarako, aste honetan Gobernu Taldeko kideak Salsiduko Auzokideen Elkarteko ordezkariekin bilduko dira eta ziur nago gaia beraiekin konpontzen jakingo dugula”.
Gobela ondoan bizi duten auzotarrek atzo, igandea, Ollarretxe errontondan egin zuten protesta deitoratu du gaur Getxoko Gobernu Taldeak, errepidea itxi izana leporatuz. Auzokideak elkarretaratzean zeudela, sakabanatzea eskatu zieten udaltzainek era txarrean, bultzaka eta oihuka. Tentsio uneak bizi ziren eta orduan Udal Gobernuko inork ez zuen hartu auzokideen telefono deiak egoera bideratzeko. Gaur, berriz, idazki bat plazaratu du EAJk osatzen duen Udal Gobernu Taldeak Salsiduko auzokideekin bilduko direla aginduz. Batzar horren xedea "Salsidun atzo bizi izandako tentsio uneak ekiditeko neurriak hartzea" litzateke. Imanol Landa alkatearen aburuz, arazoaren muina "auzokide batzuek manifestatzeko duten bidezko eskubidea eta hori bezalako bidezkoa den eta gainontzeko herritarrek oztoporik gabe ibiltzeko duten eskubidearen arteko oreka" bilatzea litzateke. Argazkian, ez da lehenengo aldia uholdeen gaia dela eta udal arduradunen eta auzokideen artean tirabirak sortzen direla.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun