Bozeramaile popularrak nabarmendu duenez "altzairu herdoilgaitzezko barandek hirigintza armonia apurtu egiten dute" eta "ingurutik at" gelditzen dira. Gogoratu duenez, Portu Zaharra "Getxoko ondare historiko eta artistikoa da eta Eusko Jaurlaritzako Kultura Sailak monumentu-multzoa izendatu du". Horregatik, eta aldapa handiko eskailerak daudela ikusita, bere unean barandak kentzea eta estilo klasikoagoko batzuen ordez aldatzea eskatu zuten, barandak egon egon behar direla eztabaidatu gabe.
Oraindik gai hau konpontzeke egotearen ardura Udal Gobernu taldeari leporatu dio Arruek, "eginkizunez, bere nagikeria eta eraginkortasunik eza frogatzen ari dena".
Portu Zaharreko barandak bederatzi hilen ondoren aldatu ez izana salatu du PPk
2009ko urr. 6a, 14:54
Getxoko PPk Portu Zaharreko altzairuzko barandak eramango ditu urriko Udalbatzara. Izan ere, popularrek salatu dutenez, urtarrilean Udalak paratutako barandak ez ziren izan auzokideen gustukoak eta PPk "itxuragabekeria arkitektonikoa" iritzi zien. "Orduan, lanak amaitzeke zeudela eta aldatuko zituztela ziurtatu ziguten" Getxoko Udal Gobernutik, Marisa Arrue bozeramaileak azaldu duenez. Izan ere, urtarrilean bertan PPk gaia eraman zuen Hirigintza Batzordera eta bertan Joseba Arregi zinegotzi jelkideak aipatu hitza eman zien popularrei. Arrueren ustez, "dagoeneko bederatzi hilabete pasatu dira. Uste dugu denbora nahikoa dela agindutako aldaketa horiek sartzeko, baina barandek berdin-berdin jarraitzen dute. Horregatik mozio hau aurkezten dugu, Udalbatzan talde politiko guztiak inguruko auzokide eta bisitariak sutan dituen afera honen inguruan bere iritzia eman eta erretrata daitezen". Argazkia: © Getxoko PP.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun