Urriaren 12an, goizeko 12etan, Erandioko Udal Musika Bandak joko du, aurretik bertako eta Extremadurako politikarien kalejira egingo dela. Beste ekimen nabarmen bat Extremadurako meza da, urriaren 17an, larunbata, San Lorentzo elizan egingo dutena, arratsaldeko 6etan. Ohikoa izaten da jendetza batzea eta aurten gainera, Zambra abesbatzak esku-hartuko du.
Hiru ekimen horiek azpimarratu arren, ez du esan nahi astean zehar besterik ez dela izango. Umeek marrazki eta erredakzio txapelketak eta txokolatadak izango dituzte. Nagusiek, ordea, Euskal Herria eta Extremadurari buruzko bideo emanaldietara eta hainbat hitzaldira joan ahal izango dira.
Extremadurako etorkinen aste kulturala ospatuko du Astrabuduak ostiraletik aurrera
Astrabuduan dagoen Extremadurako Etxeak antolatuta, jaioterriko ohiturak eta kultura zabalduko dute Erandioko auzo horretan Extremadurako etorkinek. Izan ere, ostiraletik hilaren 18ra arte XXVIII. Aste Kulturala burutuko dute, adin guztientzako ekimenak izango direla. Mari Mar Corchero Olivenza Extremadurako Etxeko presidenteak eta Santiago Neira Erandioko Udaleko Kultur zinegotziak aurkeztutako programan, hainbat ekimen azpimarratu zituzten. Besteak beste, larunbatean eta igandean Extremadurako azoka egingo da Josu Murueta plazan, goizeko 10etatik iluntzeko 9:30era. Bertan, izen handiko 30 enpresa eta artisauk bertako produktuak jarriko dituzte salgai. Azokaz gain, inguruan hainbat tailer egingo dituzte, hala nola, artisautza haurrentzat, gozokien prestaketa edota aretoko dantzak. Era berean, musika emanaldiak izango dira 20:00etan: larunbatean, Mansabora extremadurarrek joko dute eta igandean, berriz, bertako Iñaki Basabe eta Jesus Mari Nuñez musikariak arituko dira. Argazkian, Extremadurako Etxeak 200 bat bazkide ditu egun / Astrabuduako Extremadurako Etxea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun