“Udalak diru-sarrera gutxiago izango duela aurreikusten den arren, 2010an zergak bere horretan uztea erabaki dugu, bizi dugun krisialdian herritarrei elkartasuna adierazteko asmoz. 2007az geroztik ez da zergetan igoerarik egon eta zenbaitetan, zarama tasa kasuak kasu, %30 jaitsi da auzotarrentzat eta %35 merkatarientzat. Zaila da aurkitzea 3 urtetan presio fiskala gutxitu duen udalerria“, aipatu du Soloetak. Andradek berriro esan du “Bilbo Handiko udalerrietatik, Getxo dela, Lezamaren atzetik, zarama tasarik handiena ordaintzen duena“. Ogasun zinegotzi jelkideak erantzun dionez, “ Getxo ez da, inolaz ere, zergarik garestienak dituen Euskadiko udalerria, PPk herritarrei, gezurrak eta manipulazioa erabiliz, sinestarazi nahi dien bezala”. Horren harira, Soloetak esan du “Bizkaiko 34 udalerrik Getxok baino zarama tasa garestiagoa dutela; 25 udalerrik, estolderia tasa karuagoa; 23k, urarena; 21ek, Ekonomia Jardueren gaineko Zerga; 26k, Higiezinen gaineko Zerga; eta 34k, trakzio mekanikodun ibilgailuen gaineko“. Udal arduradunarentzat PPren proposamenak "zalantzak" eragiten ditu “aplikatu ezin litezkeen hobariak eskatzen dituztelako, Udalean existitzen ez diren programak aipatzen baitituzte“. Azkenik, Soloetak adierazi du “PPk merkataritza, udalerriko enpresak... aipatuz" justifikatzen duela zerga murrizketa, eta zentzu honetan, Udalak 300.000 euro bideratu dituela langabetuak kontratatzen dituzten enpresetara, eta "Martiturriko enpresa eremuaren alde" egiten ari dela lan. Hala ere, azken hori "Getxorako 8.000 etxebizitzetako LZPren alde egitea" dela aurpegiratu dio Andradek.
PSE-EE eta Alternatiba EAJrekin bat
Luis Almansa PSE-EEren bozeramaileak PPren proposamenen aurka eman duen kontrako boza arrazoitu du esanez, 2010ko tasak bere horretan uzteak "familien ekonomia suspertzea" duela jomuga. “Inflazioari erreparatuz gero, tasak bere horretan uzteak benetan ekarri duena da 3 urtetan presio fiskala %4 gutxitu dela“, gaineratu du. Bestalde, Alternatibak iritziz, “getxoztarren patrikak hobetzea baino, krisi sasoietan egokiagoa da Udalaren diru-sarrerak bermatzea, zerbitzuak bermatu ahal izateko". "Gure profila ez da sasoi latzetan zergak eta tasak murriztearena, eta egitekotan, era mailakatuan egingo genuke, gehiago dutenek gehiago ordain dezaten. Arrazoi horregatik, esaterako, ez gatoz bat familia ugariei tasak murriztearekin, horren behar handiagoa duten pentsionistak egon daitezkeelako”, adierazi du talde horretako bozeramaile Manu Basantak.
Tasak eta zergak aldatzeko Getxoko PPren proposamen guztiak atzera bota dituzte gainontzeko alderdiek
Getxoko EAJk, PSE-EEk eta Alternatibak (lehengo Ezker Batua) atzera bota dute gaur, ezohiko osoko bilkuran, PPk 2010ean tasak eta zergak aldatzeko egindako proposamena. Popularren taldeak mahai gainean jarritako 19 aldaketetatik bakar batek ere ez du jaso udalbatzan ordezkaritza daukaten gainontzeko alderdien babesa. Eduardo Andrade PPko bozeramaileak adierazi duenez, “gure aldaketek bi helburu nagusi dituzte: auzotarrek euren patriketan diru gehiago edukitzea eta udalerrira aberastasun ekonomiko handiagoa ekartzea". "Merkataritzaren sektorea, gazte ekintzaileak, famili ugariak, langabezian dauden emakumeak... lagundu nahi ditugu”, gaineratu duenez. Bere aldetik, Aitor Soloeta Ogasun zinegotziak "populistatzat" jo ditu PPren planteamenduak, EAJren Gobernu Taldearen izenean. Esan duenez, "Udala ahalegin itzela egiten ari da, hirugarren urtez Getxon tasak eta zergak bere horretan utziko direlako". Oro har, zergak eta tasak %1 murriztea, zarama eta estolderia tasak %50 jaistea; eta ekintzaile berrientzako bi urteko zerga-salbuespena eskatzen zuen Getxoko PPk. Argazkian, zinegotzi popularrak beste udal batzar batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun