Aurtengo kantaren bideoklipa:
Arbizu, Lakuntza eta Arruazun ospatuko da urriaren 18an, igandearekin, Nafarroako ikastolen aldeko aurtengo jaia, "Txikiak handi" lematzat hartuz. Etxarri Aranazko Andra Mari ikastolak antolatu du Nafarroa Oinez 2009. Gauzak horrela, urtero bezala, autobusa antolatu dute Berbots Erandion Euskaraz! elkartekoek eta Altzaga ikastolako kideek, bertan parte hartu nahi duten guztientzat. Horrenbestez, goizeko 8:45ean abiatuko dira Astrabuduako taxi geltokitik, ordu laurden geroago, Altzagako Santi Brouard parkean itxaroten daudenak hartzeko. Prezioa 10 eurokoa izango da (4 urte baino gutxiagoko umeek ez dute ordaintzen) eta Astrabuduako Primera Linea edo Altzagako La Plaza tabernan eman beharko da izena. Urriaren 14a, asteazkena, izango da horretarako azken eguna. Besteak beste, Stupenda Jones, Hesian, Oskorri, Anje Duhalde, Sexty Sexers eta Bizardunek joko dute Nafarroa Oinezen. Egitarau osoa (pdf) hemen ikus daiteke. Argazkian, pasa den irailaren 27an Andra Mari ikastolako umeek eta gurasoek Nafarroa Oinez ibilbidea egin zuten zirkuitua gozatu eta hobetzeko asmoz / © Nafarroa Oinez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun