Izan ere, bihar bertan, ekitaldi politikoa egin gura du Nafarroa Garaiko hiriburuan Falangek, 13:00etan, eta horretarako hainbat autobus antolatu ditu Espainian zehar.
Hurrengo egunean, azken boladan izan diren eraso faxisten aurkako manifestazioa izango da, "Atzoko eta gaurko faxismoari stop!" lemapean, Iruñean. 17:30ean abiatuko da autobus geltokitik. Besteak beste, Zigor eta Arkaitz Goikoetxearen aita-amen Azkorriko (Getxo) baserriaren kontrako erasoa bere gain hartu zuen orain egun batzuk Falange y Tradicion izeneko taldeak.
"Arraza eta Inperialismo Egunaren Kontra" lelopean, gaur, larunbata,, bosgarren urtez egingo dute jardunaldi antifaxista Leioako Udondo gaztetxean. Izan ere, etzi izango da Espainian jai den Hispanitatearen Eguna. Gauzak horrela, Sare Antifaxistak antolatuta, banaketa etxeen argitalpenen erakusketa, graffiti-egileak, batukada, bideo proiekzioak, hitzaldia, bazkaria eta beste hainbat jarduera izango dira, goizean hasita. Arratsaldean, berriz, kontzertuak egongo dira, 20:00etatik aurrera, 4 eurotako sarrera ordainduta. Euskal Herriko O.E.P. Antifascist oi! eta Ultima Neurona taldeez gain, izena euskaraz eduki arren, jatorriz frantziarra den Askatasuna punk taldea igoko da agertokira. Hala ere, ez da aipatutakoa faxismoaren aurka egun hauetan egingo den ekimen bakarra izango. Bihar, igandearekin, Antifaxista Eguna egingo dute Iruñean eta horrekin bat egitera deitu dute ezker abertzaleak, Algortako Gazte Asanbladak (AGA) eta Txorimalo gaztetxeak. Argazkian, iaz Udondon egindako hitzaldi antifaxista.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun