Bihar, astelehena, 11:30ean, Araba, Bizkaia eta Gipuzkoako lehendakariaren egoitza den Ajuria Enearen aurrean "Gure aberria, Euskal Herria" lelopeko elkarretaratzea egitera deitu du Gazte Abertzaleak erakundeak. Protestaren bidez, Hispanitatearen Eguna "Estatu espainolak inposaturiko jaia" dela salatu nahi dute, erdara hutsean zabaldutako prentsa komunikatuan gazteek azaldu dutenez. Era berean, baztertu egin dute data horretan sortzen den espainiartasunaren harrokeria eta baita Guardia Zibilaren goratzea. Kritikatu dutenez, "Hispanitatearen Eguna urriaren 12 ospatzen da 1492an Amerikak aurkitu zituztela gogoratuz. Data horretan hasiko zen espainiar inperioa delakoa, 1898an, Filipinak eta Kubaren galerarekin, behera etorriko zena. Halere, espainiar inperialismoa ez zen desagertu eta gaur egunera arte heldu da. Horren froga Euskal Herria Estatu espainolaren menpe egotea da". Azkenik, Eusko Jaurlaritza berria Hispanitatearen Eguneko ekitaldietara joatea salatu dute. Irudian, biharko elkarretaratzerako kartela, Ajuria Enea sutan agertzen dena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun