Sopelako Munarrikolanda mendi taldeak irteera antolatu du igande honetarako, urriaren 18an. Oraingoan, Arabako Arkamu mendilerrotik ibilaldia egingo dute. Txangoa, baina, Subilla Morillas herrixkatik hasiko dute, Iruña-Veleiatik gertu. Bertatik Arkamu mendilerroa igo ostean, gain desberdinak bisitatuko ditzute, hala nola, Kruzeta, Repico (1.191 metro), Montemayor (1.172), Peña Colorada (1.131), Peñalta (1.127), eta abar, eskuinean Kuartango harana begi bistara izango dutela. Ibilbidea Santiago Mendian bukatuko da. Bertatik Ibaizabalen jauzi ospetsua ikus daiteke. Halaber, Sopelara bueltatzeko autobusa izango dute zain mendizaleek. Argazkian, Munarrikolandako mendizaleek Autzara (Nafarroa) egindako irteera.
Horrenbestez, goizeko 7:30ean abiatuko da autobusa, Sopelako San Pedro elizaren ondoan dagoen autobus geralekutik, egun horretan. Algortatik 7:40ean igaroko da Getxo I Institutu ondoan dagoen Zubilletako autobus geltokitik. Salneurriari dagokionez, 13 euro ordaindu beharko dituzte bazkideek eta 15 euro bazkide ez direnek. Horrenbestez, interesatuta daudenek xehetasun eta baldintza guztiak 696 731 662 telefono zenbakira deituz galdetu ahal izango dituzte. Taldearen egoitzak honako helbidea du: Trokabide, 1, Sopelan. Izen-emateak ostegunetan egin daitezke 20:00etatik 21:30era.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun