"Beste urte batez, euskal ikasleok jai egun inposatuetan jairik hartzen ez dugula erakutsi dugu", azaldu du Ikasle Abertzaleak erakundeak. Izan ere, atzo, urriaren 12an, Hego Euskal Herriko 
600 ikasle inguruk Hispanitatearen Eguna ospatzeari muzin egin eta Herri Eskoletan bildu ziren, "inposatzen digutenaren gainetik, geure egutegi propio baten alde lan egiteko prest". Eskualdean ere eskolak izan ziren, Nafarroa 1512-2012 eta Bologna prozesua gai nagusiak izan zirela. Besteak beste, zuzendaritzak zabaldutako Getxoko Aixerrota institutuan, non 50 bat ikaslek erantzun zion IAren deialdiari. Leioako Betiko ikastolan ere, DBHko hainbat geletan klase arrunta eman zuten, bertako egutegiari jarraikiz. Azkenik, Itzubaltzeta / Romoko Artatza-Romo institutuko ikasleek zentrotik kanpo eman behar izan zituzten eskolak, beste behin ere zuzendaritzak institutua irekitzeari uko egin ziolako. Horren aurrean, hamar gazte batu ziren bertako gaztetxean, ikasteko prest. Argazkian, Azpeitiako ikasleek, Itzubaltzeta / Romokoek bezala, gosariari ekin zioten ikasketak baino lehen / Gaztesarea.
600 ikasle inguruk Hispanitatearen Eguna ospatzeari muzin egin eta Herri Eskoletan bildu ziren, "inposatzen digutenaren gainetik, geure egutegi propio baten alde lan egiteko prest". Eskualdean ere eskolak izan ziren, Nafarroa 1512-2012 eta Bologna prozesua gai nagusiak izan zirela. Besteak beste, zuzendaritzak zabaldutako Getxoko Aixerrota institutuan, non 50 bat ikaslek erantzun zion IAren deialdiari. Leioako Betiko ikastolan ere, DBHko hainbat geletan klase arrunta eman zuten, bertako egutegiari jarraikiz. Azkenik, Itzubaltzeta / Romoko Artatza-Romo institutuko ikasleek zentrotik kanpo eman behar izan zituzten eskolak, beste behin ere zuzendaritzak institutua irekitzeari uko egin ziolako. Horren aurrean, hamar gazte batu ziren bertako gaztetxean, ikasteko prest. Argazkian, Azpeitiako ikasleek, Itzubaltzeta / Romokoek bezala, gosariari ekin zioten ikasketak baino lehen / Gaztesarea.
Bide batez, "herri eskola hauek antolatzeko orduan izan ditugun zailtasunak eta jarri dizkiguten trabak" salatu ditu IAk: "irakasle eta zuzendari askoren ahotik entzun behar izan baititugu ezezkoak". Horretaz gain, "egunean zehar Guardia Zibila Bilboko ikasle batzuen atzetik ibili izana ere" salatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun