Uribe Kostako Amnistiaren Aldeko Mugimenduak Etengabe bitakoraren bitartez ohartarazi duenez, dagoeneko urte bat baino gehiago egin du bakartuta, Frantziako Chateauroux espetxean, Manex Zubiaga preso politiko algortarra; 2008ko urriaren hasieratik, alegia. Lexuri Gallastegi berangoztarra bezala, joan den urteko urriaren 8an atera zuten Soto del Realgo (Madril, Espainia) espetxetik Zubiaga; eta hurrengo egunean Frantziara eraman zituzten biak, Espainiako Poliziaren hegazkin batean. Epaiketa egiteko eraman zituzten Madrilera, 2007ko irailean. "Manexek erregimen itxia du, ordu beteko patioa goizez (goizeko 8etatik 9ak arte) edo kiroldegia. Eta arratsaldez beste ordu eta erdi patioa", azaldu du errepresioaren kontrako erakundeak. Bertan euskal preso politiko bi gehiago dira, baina beste galeria batean dauzkate, zehaztu dutenez. Chateauroux Getxotik 746 kilometrotara dago. Argazkian, presoen aldeko manifestazioa Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun