Espetxeratu zutenetik larunbatean izan zuen lehenengo bisita Asier Borrero Berangoko euskal preso politikoak. Azken orduko gora beherarik egon ez bazen, aita eta anaia joan zitzaizkion bisitan, Nanterreko espetxe frantziarrera. "Orain arte bisitarik gabe egon da, epaileak bisitako baimenik eman ez diolako", Uribe Kostako Amnistiaren Aldeko Mugimenduak Etengabe bitakoraren bitartez salatu duenez. Hala ere, gutunak jaso ahal izan ditu denbora horretan. Borrero, 25 urteko gaztea, uztailaren 4an atxilotu zuen Frantziako Poliziak, Iurgi Garitagoitia eta Itziar Plaza bilbotarrekin batera. "Gaizkile elkarteko kideak" direlakoan hirurak auziperatu eta espetxeratzeko agindua eman zuen, lau egun geroago, Laurence Le Vert epaile bereziak. Eskualdeko mutila Nanterreko espetxean dago ordutik, Paristik gertu, Berangotik 920 bat kilometrotara. Argazkian, atxiloketa salatzeko Algortan egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun