Zoramenlanek honakoa erakutsi nahi die ikasle parte hartzaileei: unibertsitatean, lanbide bat garatzeko beharrezkoak diren ezagutza teoriko eta praktikoak jasotzeaz gain, egoera berriei aurre egin eta aztertzeko eta ebazteko gaitasunak garatu nahi direla ikasleen artean. Modu horretan, edozein erronka profesional arrakastaz gainditu ahalko dituzte.
Ikasleei lan etorkizunari nola aurre egin erakusteko jolasa jarriko dute Leioako campusean
Urriaren 19tik 23ra bitartean, Zoramenlan izeneko jolasa jarriko dute EHUko Leioa eta Erandioko campuseko areto nagusian. Ikasleen artean espiritu ekintzailea, sortzailea eta berritzailea sustatzea du xede ekimenak, unibertsitateko iturriek adierazi dutenez. Zoramenlan antzerki-jolas modura egituratuta dago, labirinto baten antzera. Bertan, gehienera jota, 16 ikasle arituko dira, bakoitza 45 minutuz. Parte hartzaile bakoitzari erronkei aurre egiteko konponbide ezberdinak emango dizkiotenez, azken 15 edo 20 minutuak ikasle bakoitzaren profil pertsonalizatua egiteko erabiliko dira. "Esperimentu honekin planteatuko diren erronken izaera misteriotsua mantendu nahi da, horrela, azken balorazioak errealistak izango dira, bai norbanakoaren mailan bai bertatik erator daitezkeen ondorio orokorretan", azaldu dute EHUko arduradunek. Zoramenlan 10:00etatik 18:00etara egongo da zabalik. Argazkian, Leioa eta Erandioko campuseko hainbat fakultate.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun