Hainbat gizarte ekintza zein jarduera kultural desberdinetarako bideratuta dago Kulturgune berria, horien artean, tailerrak, ohiko ikastaroak, bilera sozialak, ludoteka, Internet gunea... Ikastaroen artean, gainera, hainbat programatu dira jada: gimnasia, yoga, tai ji, areto dantzak, pintura eta biolina, hurrenez hurren. Dena dela, oraindik ekintza berriak iradokitzeko epea zabalik dago. Guzti horretaz gain, ekipamendu berriak beste hainbat kontutarako erabiliko da, hala nola, kontzertuak, hitzaldiak, erakusketak, haur ekintzak, udaleku irekiak, ingelesa lantzeko udalekuak, eta abar.
Lagun arteko zein talde handien bazkarietarako
Azkenik, Kulturguneak herritar guztientzat interesgarria den berrikuntza garrantzitsu bat ere izango du: sukalde eta bazkariak prestatzeko tresneriaz hornitutako txokoa izango du goiko solairuan. Leioako edozein herritarrentzat zabalik egongo da, lagun arteko zein talde handien oturuntzak egiteko. Funtzionamendua txoko pribatuena bezalakoa izango da, hau da, bertan bazkari bat egin aurretik, derrigorrezkoa izango da izena ematea.
Leioako San Bartolome auzoak Kulturgune berria estreinatu zuen joan den igandean. Guztiz berritua eta modernoa den ekipamendua Aldekoena, Basaez, Peruri, Telleria, Artatza, Artatzagane, Sarriena eta Zuhatzuko bizilagunei zuzenduta dago, eta beste gauza askoren artean, txoko bat du goiko solairuan, azken hori, leioaztar guztientzat. Kulturgune berriak aurrekoa baino zabalera handiagoa du: azken aldaketekin 874 metro koadroko azalera izatera helduko da (aurrekoa 646 metro koadrokoa zen) solairu bitan banatuta; 750,70 metro koadro lehenengoan eta 123,20 metro koadro bigarrenean. Lehen solairuan 591,7 metro koadroko kultur gunea eta 159 metro koadroko taberna ditu. Bigarrena, berriz, txokoarentzat izango da, herriko edozein pertsonarentzat irekita egongo dena, afariak edo bestelako oturuntzak egiteko. Kulturguneak ekintza desberdinetara bideratutako sei gela ditu. Horietako bakoitzari izen propioa jarri diote, antolatzerakoan erraztasunak izateko, tokiko iturriek zehaztu dutenez. Hori horrela, gelak ondokoak dira: Aldekoena, Basaez, Peruri, Telleria, Artatza, Artatzagane: Sarriena bilera gela eta Zuhatzu txokoa. Horretaz gain, bilera gela bat, bulegoa, biltegia, aldagela eta komun bi ere badauzka. Argazkian, San Bartolome ingurua Berbalamiñe euskara elkarteak antolatu zuen 2007ko Txitxiburruntxi Egunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun