Ikusi "Itsasoaren alaba" dokumentalaren aurrerakina:
Meñakoz Euskal Kultur Erakundeak antolatuta, "Itsasoaren alaba" dokumentalaren proiekzioa eta haren inguruko hitzaldia izango dira ostiral honetan, urriak 16, Sopelan. Hitzordua 19:15ean jarri dute, Kurtzio kultur etxean, Iturrieta edo balearen parkearen ondoan dena, Mendieta zeharbideko 10 zenbakian. Bertan izango dira, besteak beste, Haizea Goikoetxea dokumentalaren protagonista eta Josu Martinez filmaren idazle eta zuzendaria. Julio Araluze algortarraren omenez, urte beteko beka sortzea erabaki zuen Gizarte Ikerketarako Talde Eragileak eta horren emaitza da "Itsasoaren alaba". Haizea Goikoetxea Ipar Euskal Herrian jaio zen. Errefuxiatu bikote baten bigarren alaba da eta urte bi bete gabe zituela, GALek Mikel Goikoetxea "Txapela" hil zuen: bere aita, alegia. Urte guzti hauetan Haizerentzat sendatu gabeko zauri sakon bat izan da bere aitaren heriotza. Gertaera horrek bere bizitza erabat baldintzatu du, eta gainera, amarekin gaiaz hitz egitea bientzat oso gogorra izan denez beti, gauza gutxi dakizki aitari buruz. Argazkian, dokumentalaren kartela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun