Espainiako Auzitegi Nazionalak ostiral honetan, urriak 16, ezagutzera emango du 33/01 auziko epai irmoa. Defentsaren prokuradorea 11:30ean deitu dute, sententzia jasotzera joan dadin, Amnistiaren Aldeko Mugimenduak jakinarazi duenez. Amnistiaren Aldeko Batzordeak eta Askatasuna "erakunde terroristatzat" jo zituen Auzitegi Nazionalak eta beraietako 21 kideri 10 eta 8 urteko espetxe zigorrak ezarri zizkien. Defentsak, ordea, errekurtsoa jarri zuen Auzitegi Gorenean eta irailaren 23an egin zuten helegitea aztertzeko bista. Epaitutako lagunen artean, Jagoba Terrones berangoztarrari 8 urteko espetxe zigorra ezarri zion Auzitegi Nazionalak. Bihar jakinaraziko du Auzitegi Gorenak Berangoko laguna espetxera joan den beharko den ala ez. Argazkian, Terrones eskuman iaz Berangon 33/01 auziaren aurka egindako manifestazio baten ostean. Bere ezkerrean, absoluzioa jaso zuen Mitxel Sarasketa getxoztarra ageri da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun