Dena den, igandean ere beste kanporaketa bat izango da, Zarautzen, Andoni Egaña egungo txapelduanren herrian, alegia. Emanaldia Aritzbatalde kiroldegian izango da, 17:30ean eta bertan Iratxe Ibarra, Xabier Silveira, Iker Zubeldia, Unai Agirre, Oihane Perea eta Joxe Munduate ariko dira. Gai emailea, berriz, Saroi Jauregi izango da.
Aipatutakoak laugarren eta bosgarren kanporaketak izango dira, Zestoan Jone Uria, Leitzan Etxahun Lekue eta Bilbon Iñaki Zelaia sailkatu ondoren. Hilak 24an, Laudion jokatuko den azken kanporaketan Fredi Payari egokituko zaio hitza, Arkaitz Oiartzabal “Xamoa”, Iñigo Izagirre, Onintza Enbeita, Jon Martin eta Miren Amurizarekin batera.
Orain arteko sailkapena:
Zuzeneko txartela eskuratu dutenak:
- Zestokoa lehen sailkatua Jone Uria 661,5 puntu
- Leitzako lehen sailkatua Etxahun Lekue 643 puntu
- Bilboko lehen sailkatua Iñaki Zelaia 643 puntu
Puntuen arabera txartela eskuratzearen zain daudenak:
1 – Uxue Alberdi 660 puntu
2 – Iñaki Gurrutxaga 642,5 puntu
3 – Julio Soto 639,5 puntu
4 – Maddalen Arzallus 636,5 puntu
5 – Ainhoa Agirreazaldegi 634 puntu
6 – Amaia Agirre 631,5 puntu
7 – Iñigo Manzisidor “Mantxi” 621,5 puntu
8 – Oihana Bartra 612 puntu
9 – Xabier Sukia 604 puntu
10- Jexux Mari Irazu 599,5 puntu
11- Ibon Ajuria 598,5 puntu
Dagoeneko finalaurrekoetan egongo ez direnak:
12 – Asier Otamendi 588 puntu
13 – Miren Artetxe 583,5 puntu
14 – Iñigo Olaetxea 575 puntu
15 – Odei Barroso 574,5 puntu
Jone Uria Bertsolari Txapelketa Nagusiko lehenengo kanporaketan, Zestoan, zuzenean sailkatu zela, bihar egokituko zaio horren aukera Algortako beste bertsolari bati, Xabi Payari, alegia. Uztaritzeko Kiroleta pilotalekuan izango da hori, arratsaldeko 5:30etik aurrera. Baina finalaurrekoetarako zuzeneko txartela eskuratzea ez diote erraz utziko bertsokideek. Arerio nagusia laguna eta entsegukidea duen Arkaitz Estiballes bilbotartutako galdakaoztarra izango du, baina Erika Lagoma lesakarrak edo Aitor Sarriegi besaindarrak ere ez diote mesederik egingo. Joana Itzaina gidatuko duen saioa Unai Muñoa lasartearrak eta Beñat Gaztelumendi Añorgarrak osatuko dute. Dagoeneko ez duenak Kiroleta Pilotalekuko leihatilan bertan erosi beharko du sarrera, arratsaldeko 4etatik aurrera .Kontuak kontu, Xabi animatzera joaterik ez dutenek ere zuzenean jarraitu ahal izango dute kanporaketa. Internetez, bertsoa.com-en eta bertsoplaza.tv-en bideoak eta Info7.com-en audioak izango dituzte horretarako. Irratiz, berriz, Info7 irratiak FMko 103.2 frekuentzian zabalduko du ekitaldia 17:00etatik aurrera eta berarekin konexioa egingo du Koska irratiak FMko 108.0n. Argazkian, Xabi Paya iaz, Bizkaiko finalistarik gazteenaren saria eskuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun