Biharamunean, igandean, Oihulari Klown taldeak "Mamu txikiak" ikuskizuna antzeztuko du 12:30etik aurrera. Lan horrek zenbait munstro klasiko ditu protagonista, kumeak baino ez ziren garaian. Arratsaldean, 20:00etan, Kukubiltxo taldeak, egun arte haurrentzako lanetan jardun dena, "Haritzaren azalera zehatza" ekarriko du Getxora, helduentzako bere lehenengo lana, hain zuzen ere. Horretan, kulturan zehar hastapen-bidaia proposatzen die ikusleei, gazte itsu baten eskutik.
Azken eguna urriaren 24 izango da
Jardunaldiek datorren larunbatean, urriak 24, amaituko dira Teatre Sans Frontieres taldearen "Juana creo la noche" lanaren eskutik. Horretan Joana Eroaren bizipenak kontatzen dira. Joanak ideia oso aurreratuak zituen bere garaian, eta boterearen kontzeptu demokratikoa. Bere gurasoek, Errege Katolikoek, giltzapean sartu zuten, joko politikotik aldentzeko asmotan, buruko gaitza zuen aitzakia jarrita. Istorioa 16 urte preso egon den gelan gertatzen da. Bertan ezezagun bat sartu da herritarren eta Gaztelako komuneroen artean zabaldu diren Joanaren senaren inguruko zurrumurruak baieztatzeko. Hori guztia abiapuntu hartuta, lanak konpromiso politikoari eta desengainuari buruzko gogoeta egiten du.
Jose Martin Elizondo getxotarra da lanaren egilea. 1958. urtean Toulousera joan zen bizitzera eta bertan, Espainiako Antzerki Elkartea konpainia sortu zuen 1959an. Horren bidez, erbestera joan behar zuten egileak ezagutarazi zituen. 1983tik aurrera, taldeak "Theatre sans Frontieres" izena hartu zuen. Sorkuntza artistikoak ekoizteaz gain, "Theatre sans Frontieres" konpainiak, antzerkiaren bidez, gizarteratze lana egiten du kartzela munduan, eta garuneko arazoak eta gizarte arazoak dituzten pertsonekin.
Asteburu honetan, Getxoko XXVII. Antzerki Jardunaldiek eskaintza anitza hurbilduko dute. Horrela, haurrentzako, helduentzako eta adin guztientzako ikuskizunak izango dira zenbait agertokitan. Haurrek Teatro Gorakadaren "Cyrano" eta Oihulari Klownen "Mamu txikiak" lanez gozatu ahal izango dute. Bestalde, Teatro Salitrek "On egin, mon amour" ikuskizuna antzeztuko du kalean. Azkenik, eskarmentu handiko Kukubiltxo antzerki taldeak, haurrentzako ikuskizunetan aditua, helduentzako bere lehenengo lana eskainiko du, "Haritzaren azalera zehatza", hain zuzen ere. Bihar, urriak 17, larunbatarekin, "On egin, mon amour" kale ikuskizunak emango dio hasiera egunari. Komedia dibertigarri horrek gastronomiaren mundua du ardatz nagusi eta Algortako Geltokia plazan antzeztuko da, 12:30etik aurrera. Horrezaz gain, haurrentzako "Cyrano" ikuskizuna eskainiko da bihar. Teatro Gorakada taldearen txotxongilo lana pertsonaia ezagun horren pasadizoen moldaketa da. Antzezkizuna Areetako Andres Isasi Musika eskolan izango da eta bi saio egongo dira: 13:00ean, gazteleraz, eta 18:00etan, euskaraz. Argazkian, "Cyrano" antzezlanaren irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun