Txartel berria txanpon-txartel motakoa izango da: kopuru zehatz bat du eta hortik deskontatu egingo da bidaia bakoitzari Bizkaibusen dagokion tarifa. Prezioak Bizkaiko Foru Aldundiak zehaztuko ditu. Horretaz gain, Creditrans-ek bezala, Bizkaibusen bi lineen arteko bus-aldaketa egiteko aukera emango du, bidaiaren tarifa osoaren gaineko %20ko deskontua aplikatuz. Azkenik, autobusetan, "balioztatze kateatua" egin daiteke saldo nahikorik eduki ezean; hau da, txartel baten ondoren beste bat erabili, edo falta dena txanponez ordaindu.
Aurrekariak
1997ko ekainaren 11n, bidaiarien garraio publikoan eskumena zuten erakundeek -Eusko Jaurlaritza, Bizkaiko Foru Aldundia, Bilboko Udala eta Garraio Partzuergoa- Koordinatzeko Esparru Akordioa sinatu zuten Bizkaiko bidaiarien garraio publikorako sistema osorako txartel bakarra lortzeko. Txartel bakar hori -Creditrans- 2000ko irailean jarri zen martxan Metro Bilbaon, Bilbobusen, Bizkaibusen, Artxandako funikularrean eta Salbeko igogailuan. Geroago, Bizkaiko Zubia, EuskoTran, Etxebarri Bus, Ereagako igogailua, Sopelbus (udan), FEVE eta Larreinetako funikularra sartu ziren. 2008an 91 milioi pertsona baino gehiago izan dira Creditrans txartela erabili dutenak eta 9 milioi txartel baino gehiago saldu dira, foru iturriek emandako datuen arabera.
Bizkaiko Foru Aldundiak Garraio Partzuergoarekin sinatzekoa den lankidetza hitzarmen bat onartu zuen urriaren 6ko Gobernu Kontseiluan, EHUko Leioa eta Erandioko campusera doazen ikasleen artean garraio publikoa sustatzeko asmoz. Akordioaren xedea da Bizkaibus zerbitzuetan txartel berezi bat (Creditrans-aren antzekoa) eratzea. Txartel hori era zentralizatuan kudeatuko du Garraio Partzuergoak; berak egingo du eta EHUri emango dio. Hasierako prezioa 5 eurokoa izango da eta erosten den urtearen hurrengo urteko abenduaren 31ra arteko balioa izango du. Gauzak horrela, %20 merkeago aterako zaie bidaia unibertsitateko ikasleei, foru iturrien arabera. Txartela kartoizkoa izango da, banda magnetikoarekin, eta kreditu-txartel baten tamainakoa izango da. Urtea amaitu baino lehen aterako ei dute. Argazkian, berdez jartzea erabaki arren, oraindik hori kolorez jarraitzen dute Bizkaibuseko autobus gehienek / cc-by-nc-sa jmendicute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun