Uribe Kostako AAMren oharra:
Algortan presoen argazkiak erretiratzeko agindu dute manifestazioa egin ahal izateko
Algortan manifestazioa Telletxetik abiatu orduko Ertzaintzaren hiru furgoneta errepidean gurutzatu, polizia kaputxatuak bertatik jaitsi eta manifestazioa egin ahal izateko presoen argazkiak ezin zirela eraman agindu dute. Behin argazkiak erretiratuta ez da bestelako arazorik izan. Manifestazioa Algortako kaleetatik ibili da, 250 lagun inguru, eta Telletxeko plazan amaitu da ezker abertzaleko kideek testu bat irakurrita. AAMko kide batek ohartarazi du AAMaren kontrako epaiketako sententzia berretsi egin dela eta Jagoba Terrones atxilotzekotan egongo zela. Eusko Gudariak abestu eta mobilizazioa bukatutzat eman eta gero jakin da polizia Terronesen bila joan direla, eta bertara jo dute mobilizazioan izandakoak.
Euskal Herriak askatasuna behar du!
Algortako manifestazioan Ertzaintzak presoen argazkiak erretiratzea agindu duela salatu du AAMk
Itzubaltzeta / Romon ez ezik, Algortan ere agertu zen Ertzaintza, ostiralean ezker abertzaleko kideen espetxeratzea salatzeko manifestazioan. Uribe Kostako Amnistiaren Aldeko Mugimenduak salatu duenez, "Telletxetik abiatu orduko Ertzaintzaren hiru furgoneta errepidean gurutzatu, polizia kaputxatuak bertatik jaitsi eta manifestazioa egin ahal izateko presoen argazkiak ezin zirela eraman agindu zuten". Behin argazkiak erretiratuta ez zen bestelako arazorik egon. Manifestazioa Algortako kaleetatik ibili zen, 250 lagun inguru deitzaileen arabera, eta Telletxeko plazan amaitu zen ezker abertzaleko kideek testu bat irakurrita. AAMko kide batek ohartarazi zuen AAMaren kontrako epaiketako sententzia berretsi egin zela eta Jagoba Terrones atxilotzekotan egongo zela. "Eusko Gudariak" abestu eta mobilizazioa bukatutzat eman eta gero jakin zen polizia Terronesen bila joan zela, eta bertara jo zuten mobilizazioan izandakoak. Argazkian, Algortan ostiralean egindako manifestazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun