Unibertsitatean ere "errepresioa" nabarmendu dute, tartean bideokamerek, "zipaioek" eta guardiek osatzen duten "campus poliziala". Horregatik, indar poliziak campusetik alde egitea eskatu dute. Era berean "ikasle presoek jasan behar dituzten eskubideen urraketak" kritikatu dituzte. Ekitaldia bukatzeko, uztailean Frantziako Poliziak atxilotu eta egun preso dauden Xan, Ibai, Gilen eta Eneko ikasle eta campuseko militanteak gogoratu dituzte.
Baina, goizeko manifestazioa eta ekitaldia eginda, luze joko du oraindik errepresaliatuen aldeko eguna. Izan ere, ondoren bertso bazkaria izan dute Bilboko Zazpi Kaleetako Errondabide herriko tabernan. 18:00etan, berriz, kantu-triki-poteoan abiatuko dira, 7katu gaztetxera heldu arte. Bertan jarraituko du festak, ekitaldia, musika eta sorpresa gehiago izango direla, 20:00etatik aurrera.
Dozenaka lagun bildu dira campusean errepresaliatu politikoei sostengua emateko
Euskal preso eta bestelako errepresaliatu politikoei atxikimendua adierazi diete gaur 125 bat ikaslek Leioa eta Erandioko campusean. Goizean Ikasle mugimenduak antolatutako manifestazioak fakultate ezberdinetako korridoreak zeharkatu ditu, ikasle presoak unibertsitatera ekartzeko edo amnistia, independentzia eta sozialismoa eskuratzeko aldarrikapenen artean. Hain zuzen ere, campuseko 17 preso politikoren argazkiak eraman dituzte martxaren zehar ikasleek. Martxa Delta segurtasun enpresako guardiek zelatatu dute fakultateetatik kanpo. Gauzak horrela, martxaren ostean egindako ekitaldian (mp3) Euskal Herriak bizi duen "salbuespen egoera" eta Espainiak eta Frantziak darabilten "gerra zikina" salatu dute ikasleek, "non dago Jon?" galdezka.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun