Parte hartzaile bakoitzak lan bakar bat aurkeztu ahal izango du. Norberak erabakiko du zein teknika erabili, betiere DIN A4 formatuan, eta tolestatu gabe. Ezarritako baldintzak betetzen ez dituztenak lehiaketatik kanpo geratuko dira. Obrak jatorrizkoak izango dira, eta horrela utzi beharko da jasota lanak aurkeztean. Udalak hitz eman du 2010eko Gabonetan Udalak bidaliko dituen zorion agurrak irabazlearen postalarekin egingo dituela. "Postalak teknikoki egiteak tonalitateren bat aldatzea eskatzen badu hobe inprima dadin, epaimahaiak aldaketa sartu ahal izango du, betiere egileari aurretik galdetuta eta berarekin lankidetzan", zehaztu dutenez.
Epaimahaia
Epaimahaia kultura eta gizarte arloko hiru pertsonek osatuko dute. Epaimahaiaren erabakia gora jo ezina izango da. Epaimahaiak ondoko balorazio irizpideak hartuko ditu kontuan: ideiaren originaltasuna, teknika egilearen adinera ondo egokituta ote dagoen, lanaren kalitate teknikoa, marrazkia noraino dagoen egokituta erabiltzen den inprimatze teknikara eta marrazkia noraino lotzen zaion lehiaketaren helburuari. Barrikako Udala izango da postal saridunaren jabea, eta bere esku egongo da erakusgai jarri, berregin edo argitaratzeko eskubidea, baina horrek ez du egile eskubiderik sortuko. Sariak banatzen diren egun berean itzuliko dira lanak. Epe horren barruan jasotzen ez diren lanak Udalaren jabetza izatera igaroko dira, eta udal artxiboan gordeko dira. Lehiaketa honetan parte hartzeak oinarri guztiak dauden daudenean onartzea dakar. Argibide gehiago eska daiteke 946 775 163 telefono zenbakian.
Barrikako Udalak Gabonetako postalen lehenengo lehiaketarako deia egin du. Horren helburua da 7 eta 11 urte bitarteko neska-mutilak arte lanak sortzera bultzatzea, tokiko iturriek zehaztu dutenez. Gauzak horrela, azaroaren 27a izango da postalak aurkezteko azken eguna, 13:30ak arte, Barrikako kultur etxean (Udaletxeko Bidea, 2). Gutun azal baten barruan aurkeztuko dira, eta horren kanpoaldean honakoak agertu beharko du: "Gabonetako Postalen I. Lehiaketa 2009". Gutun azalaren barruan, berriz, ondoko hauek sartu beharko dira: lana bera, atzealdean titulua jarrita; eta gutun azal txiki bat, itxita, barruan tituluaz gain norberaren datuak ere badituena (egilearen izen abizenak, adina, helbidea eta telefono zenbakia). Lehiaketako irabazleak 80 euroko txartela jasoko du, eta horrekin nahi duena erosi ahal izango du Goya liburudendan. Lehiaketan bigarren geratzen denak 40 euroko txartela jasoko du, eta aurrekoaren modu berean erabili ahal izango du. Sariak abenduaren 12an, larunbatarekin, banatuko dira, 11:30ean, Udaletxeko beheko solairuan. Ekitaldira lehiaketan parte hartutako guztiek etorri ahal izango dute, bai eta hala nahi duten guztiek ere. Sari banaketaren ostean, pailazo emanaldia izango da. Argazkian, Sopelan ere egiten dute Gabonetako postal lehiaketa / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun