Getxoko Udalak 15.000 euro inbertituko ditu aurten udalerriko euskaltegiei laguntzak ematen. Izan ere, "euskara gaitasuna handitzea helburu duten jardueretarako" diru-laguntzak emateko deialdia kaleratu berri du Udalak. Bi motako euskaltegiek jasoko dituzte aipatutako laguntzak. Alde batetik, 16 urtetik gorako ikasleei euskara klaseak ematen dizkieten eta HABEk homologatuta dauden euskaltegiak. Beste aldetik, 16 urtetik beherako ume-euskaltegiak. Batzuek zein besteek eskaerak aurkezteko epea urriaren 31ra arte izango dute zabalik. Tokiko iturriek adierazi dutenez, getxoztarren euskara gaitasuna handitzea Euskara Biziberritzeko II.Planaren barruan Udalak duen helburuetako bat da. “Horregatik diru-laguntzen arrazoia, zeregin horretan euskaltegiak lan garrantzitsua egiten ari baitira” aipatu du Koldo Iturbe Euskara zinegotziak (argazkian).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun