Amnistiaren Aldeko Mugimenduaren oharra:
Patxo Zabalari egindako ongi etorrian gertaturikoa:
Santurtziko preso politiko ohia Villenako espetxetik atera zen atzo goizeko 9:00etan, espainiar Entzutegi Nazionalak jarri zion zigorra osorik bete ondoren. Herrian zehar pankarta eta kartel ugari agertuko dira goizetik herrikideari ongi etorria eginez, baina PNVren aginduz udal langileek eta polizia munizipalak jarritako propaganda guztia kenduko dute. Arratsaldeko 20:00etan espero da Patxo Zabalaren etorrera, eta Herriko tabernaren aurrean herritar ugari biltzen da berari lehen agurra egiteko. Orduan Ertzaintzaren furgoneta bat iristen da, furgonetatik ateratzen dira eta herritarrengana joan eta ekitaldia terrorismoari gorazarre egitea izan daitekeela esaten diete eta informe bat egingo dutela espainiar Entzutegi Nazionalera bidaltzeko. Bitartean dena kameraz grabatzeari ekiten diote. Bi lagun identifikatzen dituzte.
Une horretan Patxo bertara iristen da, txalo eta besarkada artean. Lora sorta bat ematen diote eta dantzariak dantza bat egiten du. Patxok argazkia kentzen du. Kanpoan Beltzen beste bi furgoneta iristen dira, Ertzainak lokal barrura sartzen dira, bultzaka, jendea joka eta irainka. Hau Espainia dela gogorarazten diete bertan daudenei. Beste hiru lagun identifikatzen dituzte, argazkiak indarrez kentzen dituzte, mahaietara igotzen dira jarrera guztiz harroarekin. Txistu eta oihu artean alde egiten dute ondoren lokaletik.
Patxo Zabala Etxegarai Barrikako bizilagunari atzo iluntzean egin zioten harrera, Santurtzin, espetxetik kaleratu ostean. Bada, ekitaldi hori oztopatzen saiatzean, Ertzaintzak bost lagun identifikatu eta harrera burutu zen lokalera "irainka, mehatxuka eta bultzaka" sartu izana salatu du Amnistiaren Aldeko Mugimenduak. Izan ere, atzo 20:00ak aldera Ertzaintzaren furgoneta bat hurbildu zen Santurtziko herriko tabernara eta ekitaldia terrorismoari gorazarre egitea izan zitekeela ohartarazi zieten bildutakoei. Horrezaz gain, bertan zeudenak bideoz grabatu eta bertako bi lagun identifikatu zituzten. Une horretan heldu zen Zabala eta harrera abiatu zuten auzokideek. Orduan, Brigada Higikorreko beste bi furgoneta hurbildu eta tabernan sartu ziren "bultzaka, jendea joka eta irainka". "Beltzek" hiru lagun identifikatu, mahaietara igo eta presoen argazkiak eraman zituzten, besteak beste. Baina, Ertzaintza ez ezik Euzko Alderdi Jeltzaleak osatzen duen Udal Gobernua ere Zabalaren kaleratzearen berri emateko eta preso ohiari ongi etorria adierazteko jarritako propaganda kentzeagatik. kritikatu du errepresioaren aurkako mugimenduak. Argazkian, atsoak Zabala musukatzen / Santurtziko AAM. Argazki gehiago hemen ikus daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun