Horren aurrean, soka gainean mantentzen lagunduko dioten trikimailuak bilatzen ditu funanbuluak. Amuriza izan zen eskutan orekari laguntzeko barra batekin atera zen lehenengoa. Eta ordutik egun "andamiajea" esaten diogun errima bidezko arneseraino heldu dira batzuk. Aurretik pentsatua abesteko ezin aproposagoak diren definitu gabeko gaien laguntzarekin, noski. Konturatu barik, bat-bateko sorkuntzan zenbat eta burua gogoratzera gehiago bideratu, hainbat eta urrunago dagoela geure burua harritzeko aukera. Ez, akaso, epaile eta entzuleak harritzeko modua. Baina antzerkian bezala, beste noizbait geure burua harritu zuen zerbaiten bidez.
Kuriosoa da zelan ziurtasun ezak eragindako memoria teknikak gehien erabiltzen dituztenak diren, hain zuzen ere, ziurtasun sentsazio handiena transmititzen dutenak. Baina guztiz logikoa da, era berean, euren buruari beste ezer transmititzeko baimena ukatu baitiote.
Fredi Paya bertsolari algortarrak gaur "Berria" egunkarian argitaratutako artikulua.
[© Fredi Paya - Berria.info] Beldurra inprobisazioaren etsaia da. Bat-batean aritzea sorkuntzaren gozamena entzule eta sortzailearengana une berean heltzea da. Geure buruari bat-bateko sorpresak ematen gozatzen dugu bertsolariok. Eta horretan ez gara idazle edo musikariengandik ezberdinak. Baina bertsolariak hartzailearen aurrean egiten du bere burua harritzeko saioa, eta bertso kidearekiko dialektikan. Idazleari edo musikariari, jazzaren inprobisazioa ahaztu barik, borobiltzen ez dituzten orrialdeak zakarrontzira milaka entzuleren aurrean jaurtitzea eskatzearen antzeko zerbait litzateke. Eta dauzkan arriskuak kontuan hartuta, norberaren buruarenganako konfiantza ezinbesteko ezaugarria da. Beldurra, definizioz, erronkaren aurreko norbere buruarenganako konfiantza ezak eragiten du. Eta txapelketak beldurtzen gaitu. Astebururoko plazetan ez bezala, sokatik lurrera begiratzeko joera eragiten digu. Jausteko arriskua eta kolpearen ondorioak inoiz baino agerikoagoak dira. Bertigoak jota ibiltzen gara gehienak, zenbat eta altuago egon hainbat eta kolpearen beldur handiagoaren menpe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun