Laudion jokatu zen herenegun Bertsolari Txapelketa Nagusiaren seigarren eta azken final laurdena eta bertan 655,5 punturekin txartela eskuratu zuen Miren Amuriza berriztarrak. Saio polita eskaini zuten protagonistek eta Granja kiroldegian batutako 800 bertsozalek ederki gozatu zuten bertsolarien etorriarekin. Final laurdenetako azken saioa izanik ikusmira handia zegoen gertatuko zenaren harira; Laudion erabaki baita finalaurrekoetan parte hartuko dutenen zerrenda.
Sailkapena:
Zuzeneko txartela eskuratu dutenak:
- Zestokoa lehen sailkatua Jone Uria 661,5 puntu
- Leitzako lehen sailkatua Etxahun Lekue 643 puntu
- Bilboko lehen sailkatua Iñaki Zelaia 643 puntu
- Uztaritzeko lehen sailkatua Beñat Gaztelumendi 669 puntu
- Zarauzko lehen sailkatua Iker Zubeldia 643 puntu
- Laudioko lehen sailkatua Miren Amuriza 655,5
Puntuen arabera txartela eskuratu dutenak:
1 – Arkaitz Estiballes 661 puntu
2 – Uxue Alberdi 660 puntu
3 – Aitor Sarriegi 657 puntu
4 – Fredi Paia 649 puntu
5 – Xabier Paya 644,5 puntu
6 – Iñaki Gurrutxaga 642,5 puntu
7 – Julio Soto 639,5 puntu
8 – Jon Martin 639 puntu
9 – Maddalen Arzallus 636,5 puntu
10 – Ainhoa Agirreazaldegi 634 puntu
11 – Onintza Enbeita 632,5 puntu
Finalaurrekoetan egongo ez direnak:
12 – Amaia Agirre 631,5 puntu
13 – Iratxe Ibarra 627,5 puntu
14 – Unai Agirre 622 puntu
15 – Iñigo Manzisidor “Mantxi” 621,5 puntu
16 – Unai Muñoa 615,5 puntu
17 – Oihana Bartra 612 puntu
18 – Joxe Munduate 608,5 puntu
19 – Xabier Sukia 604 puntu
20 – Arkaitz Oiartzabal “Xamoa” 601 puntu
21 – Jexux Mari Irazu 599,5 puntu
22 – Ibon Ajuria 598,5 puntu
23 – Iñigo Izagirre 596 puntu
24 – Xabier Silveira 595,5 puntu
25 – Asier Otamendi 588 puntu
26 – Miren Artetxe 583,5 puntu
27 – Iñigo Olaetxea 575 puntu
28 – Odei Barroso 574,5 puntu
29 – Erika Lagoma 567 puntu
30 – Oihane Perea 558,5 puntu
Hirutik hiru. Jone Uriak eta Xabi Payak aurreko kanporaketetan sailkatu ostean, Fredi Payak ere finalaurrekoetarako txartela eskuratu zuen, larunbatean, Laudion jokatutako Bertsolari Txapelketa Nagusiaren seigarren eta azken final laurdenean. Miren Amuriza berriztarrak egin zuen saiorik borobilena herenegun, azaroaren 8an Gasteizen jokatuko den finalaurrekorako zuzeneko bidea hartuz. Horretan ere abestuko du Xabi Payak, 17:30etik aurrera, Europa pabiloian. Fredik, berriz, bigarren egin eta sailkatzeko behar zituenak baino askozaz puntu gehiago lortu zituen Laudioko kanporaketan: 649 puntu, guztira. Gauzak horrela, azaroaren 7an dauka finalaurrekoa algortarrak, 17:30etik aurrera, Bergarako udal pilotalekuan. Azkenik, Jone Uriak, azaroaren 15ean kantatuko du Hendaiako Beltzenia pilotalekuan, 17:30etik aurrera. Aipatu saioetako sarrerak salgai daude jada bertsosarrerak.eu webgunean: sarrera arruntak 12 euro balioko ditu, baina bazkideek 9 eurotan eta 16 urtera artekoek 4 eurotan eskuratu ahal izango dute. Argazkian, ikusteke dago oraindik Fredik eta Xabik elkarren ondoan abestuko duten BECen, Bizkaiko Bertsolari Txapelketaren finalean egin bezala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun