Biharamunean, ostegunean, Txekiar Errepublikako Primavera Children's Choir Ensemble haur abesbatzak hartuko du lekukoa. Jaroslav Dostalik bere sortzailearen zuzendaritzapean, talde horrek hiri guztiko talentudun gazteak biltzen ditu eta perfekzio teknikoan oinarritutako interpretazio moderno baterantz bilakatzen da eta adierazkortasun sinesgarri batekin elkartzen du. Azken urteotan, nazioarteko lehiaketetan arrakasta handia lortu du taldeak.
Azkenik, hirugarren saioan, ostiralean, Letoniako Swedbank Chamber Choir ahots mistoen taldea arituko da Areetan. Sortu zenetik abesbatzak lan sakon bat egin du eta Letoniako bost abesbatza onenetako bat bezala kontsideraturik dago. Azken urteotan taldeak nazioarteko lehiaketetan arrakasta handia lortu du.
Asteazken honetan, urriak 28, Getxoko 29. Aste Korala hasiko da. Ostiralera arte, Frantzia, Txekiar Errepublika eta Letoniako taldeak arituko dira Algortako Erredentore elizan. Kontzertuak 19:30ean hasiko dira eta, ohi bezala, sarrerak doakoak izango dira. Aste Koralaren ardatza taldeen errepertorio zabala da, Getxoko Kultur Etxeko iturriek azaldu dutenez. "Entzuleek konposizio klasikoez, garaikideez, herritarrez eta erlijio musikaz gozatzeko aukera izango dute. Aniztasunaz gain, gonbidatutako taldeen kalitatea eta nabarmentzekoa da, nazioartean izandako arrakastek bermatzen dute hori. Azken finean entzuleei herrialde desberdinetako taldeak eta musika korala ikusteko modu desberdinak erakustea da ekimen honen asmo nagusia", zehaztu dute. Horrenbestez, etzi, Frantziako Choeur de Chamber Du Maine ahots mistoen abesbatza gazteak abestuko du. Talde horren helburua abesteko zaletasuna daukaten neska-mutilak eta kantu-eskoletan graduatu berriak diren abeslari gazteak elkarrekin prestatzea da, horiek etorkizunean kantari profesionalak bilaka daitezen. Azken bederatzi urtetan lan ugari aurkeztu dituzte, Barrokotik hasi eta XXI. mendeko musikaraino. Argazkian, abeslari gazteak ere ekarri ohi dituzte Getxoko Aste Koralera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun