PATen oharra:
Urriko Azken Asteazkenarekin bat eginez eta Presoen Aldeko Taldeek (PAT) deituta, azken asteotan Euskal Herrian jasaten ari garen errepresio aroa salatzeko mobilizazioak antolatu dira Euskal Herriko campus eta fakultate desberdinetan.
Ezker abertzaleko kide esanguratsuen atxiloketa, Amnistiaren Aldeko Batzordeen eta Askatasunaren aurkako Auzitegi Gorenaren epaia eta ondorengo espetxeratzeak, euskal preso politikoen kontrako eraso eta eskubide murrizketak... Eraso hauek guztiak salatu eta errepresioaren aurrean herri harresi sendoa eraikitzeko, urriaren 28an lotu mobilizazioetara!
Bihar, urriak 28, hilabeteko azken asteazkenarekin bat eginez, "azken asteotan Euskal Herrian jasaten ari garen errepresio aroa" salatzeko mobilizazioak izango dira unibertsitateetan, Presoen Aldeko Taldeek (PAT) deituta. Besteak beste, ezker abertzaleko kide esanguratsuen atxiloketa, Amnistiaren Aldeko Batzordeen eta Askatasunaren aurkako Auzitegi Gorenaren epaia eta ondorengo espetxeratzeak, euskal preso politikoen kontrako eraso eta eskubide murrizketak... gogoan izango dituzte. "Eraso hauek guztiak salatu eta errepresioaren aurrean herri harresi sendoa eraikitzeko", protestetan parte hartzera deitu ditu ikasle, irakasle eta unibertsitateko langileak PATek. Erandio eta Leioako campusean 11:30ean egin ohi dute bateratzea. Argazkian, ostegunean euskal preso eta bestelako errepresaliatu politikoei atxikimendua adierazi zieten 125 bat ikaslek, Leioako campusean eta Bilbon egindako ekitaldien bitartez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun