Leioa eta Erandioko campusean, "duela egun batzuk agertu diren ETAko presoen argazkiak eta pintaketak berehala kentzeko agintzea" eskatu dio Iñaki Goirizelaia EHUko errektoreari Rosa Diezen Union, Progreso y Democracia alderdiak, Europa Press albiste agentziak (espainolez) zabaldu duenez. Halaber, joan den ostegunean, urriak 22, "ETAko presoen aldeko manifestazioa" egiten utzi izana aurpegiratu dio unibertsitateko buruari UPyDk. Horri helduz, "utzikeriaz" jokatzea leporatu dio Goirizelaiari Gorka Maneiro legebiltzarkide Espainia zaleak, prentsa ohar baten bitartez. Bere hitzetan, "beste albo batera begiratzea nahiago" du EHUko errektoreak, "indarkeria zaleak nahierara dabiltzan bitartean". Gauzak horrela, argazkiak kentzeko zein "terrorismoari gorazarre egiten dion gertaeraren bat ematen denean" Ertzaintzari deitzea exijitu dio Goirizelaiari Maneirok, "campus barruko segurtasun eta ordena bere ardura izanik, errektoreari dagokiolako poliziari deitzea". Argazkian, Ertzaintza EHUn aurreko batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun