Tourrak Palestinarrek idatzitako "Elkartasunez" manifestua zabaltzea du helburu, sinatzaile gehiago bereganatuz. Testuak hiru aldarrikapen nagusi egiten ditu: Israelen bizi diren palestinarrak eskubide zibil eta politiko guztien jabe izatea eta baztertuak ez izatea; Zisjordaniaren okupazioa bertan behera lagatzea (Jerusalem barne); eta errefuxiatu palestinar guztien itzultzeko eskubidea.
Elkartasunez Tourren bideoklipa:
"Elkartasunez" manifestua:
Atzo, hilak 29, bukatu zen Algortako Gazte Asanbladaren ekimenez Algortan eta Getxon antolatutako Palestinari buruzko zine-foruma. Dagoeneko, erreleboa hartu diote ekimenari eskualdean, Itzubaltzetako Gazte Asanbladak zine forum bera igandero proiektatzeari ekin baitio, Itzubaltzeta gaztetxean, arratsaldeko 7etan. Oraingoz bi filma ikus daitezke: Mohammed Bakri-ren "Jenin, Jenin" emango dute azaroaren 1ean eta Severio Constanzo-ren "Domicilio privado" aste bat beranduago. Azaroaren 7ra arte dozenaka kultur ekitaldi egingo dira Euskal Herrian zehar Askapenak antolatutako Palestinarekiko Elkartasunez Tourrean. Elkartasunez Tourrean, 200 bat musika talde, irakasle, kirolari, dantzari, artista, idazle, bertsolari eta elkarte aritzen dira, tartean Fredi Paya algortarra, Palestinatik datorren deiari erantzunez. Argazkian, Palestinaren alde pasa den urtarrilean Algortan egindako manifestazioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun