Algortako Ezker Abertzaleak omenaldi beroa egin zion atzo gauean Bisi Unanue militante hil berriari. 300 lagun hurreratu ziren azken ostiraleko ekitaldiaren barruan burututako ekitaldira. Bertan, Amnistiaren Aldeko Mugimenduak Etengabe bitakoran jakinarazi duenez, errepresio politikoa eta gerra zikina parekatu eta omenaldia abiatu zuten, txalaparten ttakun doinuen artean. Ezker Abertzalearen erakunde guztiek krabelin bana jarri zuten ekitaldiaren buruan ageri zen Bisiren irudian. Aurreskulariak ohorezko dantzak egin ostean, Ezker Abertzaleko ordezkariak lora sorta eman zieten Bisiren etxekoei, eta Etxerateko ordezkariak elkarteko zapia. Bertsolarien txanda etorri da gero: Bisi eta bizitza lotu zituzten, borrokan izandako ibilbide oparoa eta haren oroimenean. Gero ,Gabi Basañezek Bizi ezagutu, berarekin izandako pasarteak kontatu eta haren izaera "maitagarria, genio bizia, lana, militantzia, borroka eta egoerarik txarrenean ere aurrera egiteko beti erakutsitako kemena" gogoratu zituen. Emakume izaera ere izan zuen aipagai, eta Bisiren bizitza errepasatzean bidelagun izandako algortar asko ere. Amaitzeko, Gorrondatxe abesbatzak kanta bat eskaini zion eta Eusko Gudariak denon artean indarrez abestearen ondoko une bateko isilunean irrintziak eta "Gora Bisi!" oihua zabaldu ziren plaza ingurura, AAMk zabaldu duenez. Argazkian, ekitaldiko irudi bat / Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun