Horrelako gertaeren aurrean gertatzen den bezala, Keltse Eigurenek, Gizarte Zerbitzuetako zinegotziak Getxoko Udalaren gaitzespena eta arbuioa agertu ditu, “eraso fisikoa indarkeria sexistaren era baita eta beraz giza eskubideen urraketa larria, emakumezkoei oinarrizko eskubideak disfrutatzea galarazten diena".
Era berean, Eigurenek gogoratu du Udaleko Gizarte Zerbitzuetako Sailak (944 660 101) aholkularitza juridikoko zerbitzua eta arreta psikologikoa eskaintzen dituela eta Eusko Jaurlaritzako Telefono Arreta Zerbitzura (900 840 111), Udaltzaingora (944 660 202), Ertzaintzara (944 063 420) edo SOS DEIAK larrialdietako zerbitzura, 112 zenbakira ere dei daitekeela.
Ertzaintzak eta Getxoko Udaltzaingoak M.K.Y.L. 25 urteko mutil bilbotarra atxilotu zuten atzo igandean, larunbatean bere bikotekide ohiari eraso egin ziolakoan. Emakumeak egindako salaketan oinarrituz Udaltzaingoak zabaldu duenez, larunbat goizean mutila Madrildik Getxo udalerriraino bidaiatu zuen biktimarekin dituen hiru seme-alabak ikusteko asmoz. Bisita emakumearen etxean egin zuen, eta hura amaitzean neskak etxea uztea eskatu zion bikotekide ohiari. Salaketaren arabera, une horretan gizonak kolpatu zuen eta ondoren alde egin zuen. Gainera, azken hiru urtetan gizonarekin bizi izan zen etxean bertan beste lau eraso pairatu zituela azaldu zien emakumeak udaltzainei. Atxiloketa Ertzaintzak burutu zuen atzo igandean Bilbon topatu zutenean. Ondoren, mutila epailaren aurrera eraman zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun